Marco Pantani

De Wikipedio
Marco Pantani
Profesiono: biciklisto
Lando: Italia
Naskodato: 13 di januaro 1970
Nasko-loko: Cesena Italia
Mortodato: 14 di februaro 2004
Morto-loko: Rimini Italia
Retoloko: http://www.pantani.it

Marco Pantani (1970 til 2004) esis Italiana biciklisto. Per ilua spektinda stilo sur la biciklo, Marco ganis la kordio de multa diletanti nam kande la voyo ascensabas, Marco kustumale esis la maxim rapida.

Dum ilua epoko kom biciklisto-diletanto, Marco ja esis granda promiso por la biciklismo italiana. Tale, la profesionala equipo Carrera vidis il e Marco kontratesis en 1992. Ilua internaciona arivo esis dum Giro d'Italia en 1994, ube Marco sucesis vinkar du etapi.

Ma, la maxim bona yaro por Marco Pantani, esis 1998, kande vikis la generala klasifico di irado de Italia e Tour de France, du ek le tri maxim prestijoza kuradi por biciklisti.

La maxim grava problemo por Marco Pantani eventis en 1999, kande ye la kurado di Giro d'Italia, l'italiana biciklisto ekpulsesis di la konkurso pos trovir indico di nelegala substanco en ilua sango.

Pos ica afero, komencis la pento en la kariero di Marco. Il sucesis finar tre poka konkurenci e falis en grava depreso. Pantani komencis konsumar kokaino kustumale.