1998

Eventi

Kosmo

• 6ma di januaro - Usa sendas Lunar Spector ad orbito cirkum Luno. Ol trovos traiti di aquo.
• 8ma di januaro - Kosmologisti anuncas ke l'expanso dil universo rapideskas.
• 2ma di marto - Galileo-probilo trovas maro sub glaciala surfaco di Europa, satelito di Jupitero.
• 5ma di marto - NASA anuncas ke Clementine-probilo trovis en Luno sate aquo por fuzeala fuelifo e suporto di homala koloniigo.
• 5ma di junio - Japonia divenas membro di "kosmala" stati, kande ol sendas probilo a Marso.
• 20ma di novembro - On komencas konstruktar internaciona kosmo-staciono.

Mondo

• 23ma di februaro - Osama bin Laden deklaras jihad (milito) kontra Judi e "kruco-militeri".
• 2ma di septembro - La tribunalo di UN punisas Jean-Paul Akayesu, ex-urbestro di urbeto en Ruanda, pro gentocido. L'antea judicio pri gentocido deklamesis en 1948.
• 4ma di septembro - Lawrence "Larry" Page e Sergey Mikhaylovich Brin, studenti en l'universitato Stanford, fondas Google.
• 1ma di novembro - L'Europana Tribunalo pri Homala yuri fondesas.

Europa

• 2ma di januaro - En Rusia uzeskas nova rublo pro ke l'inflaciono diminutas.
• 12ma di januaro - 19 Europala stati abnegas la klonado di homo.
• 3ma di februaro - En Italia pilotisto di Usan aer-armeo ruptas per aeroplano metal-filego di acensilo, e 20 deklineri mortas.
• 6ma di februaro - En Jordania, Abdullah la 2ma divenas regnanto segun l'impero da lua patro, rejo Hussein.
• 28ma di februaro - Polico di Serbia komencas agi por exterminor "teroristi" en Kosovo.
• 10ma di aprilo - Unionita Rejio, Republiko di Irlando e la maxim importanta partisi di Nord-Irlando paktas en Belfast pri paco.
• 25ma di aprilo - En Hispania, Andaluzia, l'eskombreyo dil mino di Los Frailes krakas. L'eskombro minacas la ekologiala sistemo di nacionala parko di Doñana. La eskombral aquo duktesas aden fluvio Guadalquivir.
• 3ma di junio - En Germania, Eschede, roto di treno di granda rapideso krakas kande ol voyajis a 200 km/h. En l'acidento 101 homi mortas.
• 14ma di junio - La ponto di Granda Belt en Dania inauguresas por trafiko.
• 12ma di julio - Francia vinkas Brazilia per 3X0 e ganas Mondala Kupo di Futbalo.
• 12ma di julio - En Ballymoney, Nord-Irlando, tri pueri mortas kom rezulto de incendio premeditita en lia domo, pro atako da "unionisti" (grupo favorebla a l'uniono di Nord-Irlando kun Britania) kontre katolika familio.
• 17ma di julio - En Sankt Petersburg sepultesas la restaji dil caro Nikolai la 2ma en bastiono di Petrus-Paulus 80 yari pos lua mortigo.
• 31ma di julio til 3ma di agosto - Ido-konfero en Bialobrzegi, Polonia.
• 15ma di agosto - En Nord-Irlando, Omagh, IRA explozigas bombo. L'ago esas maxim sangoza dum terorista milito en Irlando: 29 homi mortigesas e 200 vundesas.
• 1ma di septembro - Prezidanti Bill Clinton e Boris Yelcin negocias en Moskva pri ekonomiala krizo di Rusia.

Azia

• 28ma di januaro - Armizita partizani kidnapas 400 pueri e docisti en Manila, Filipini.
• februaro - La parlamento di Usa imperas prezidanto Bill Clinton igor "necesa akti" por represor armala programo di Irak.
• 4ma di februaro - Ter-tremo en nordest Afganistan produktas 5.000 morti.
• 6ma di februaro - En Jordania, Abdullah la 2ma divenas regnanto segun l'impero da lua patro, rejo Hussein.
• 7ma til la 22ma di februaro - Vintrala Olimpiala Ludi eventas en Nagano, Japonia.
• 20ma di februaro - Prezidanto di Irak, Saddam Hussein, negocias kun Kofi Annan de UN e permisas l'armal inspektisti rivenos ad Irak.
• 10ma di marto - Usana korpi vacinizesos kontra spleno-pesto che Persiana gulfo.
• 5ma di aprilo - En Japonia inauguresas la ponto Akashi-Kaikyo, qua konektas insuli di Shikoku e Honshu.
• 6ma di aprilo - Pakistan probas fuzeo, quo esas atingebla omna importanta loki di India.
• 11ma di mayo - India probas nuklear armi en la dezerto di Rajasthan.
• 13ma di mayo - Usa e Japonia imperas komercala punisi por India pro nukleara probi igita.
• 21ma di mayo - En Indonezia generalo Suharto renuncas pos 32-yara regno e sucedigesas da Jusuf Habibie.
• 28ma di mayo - Pakistan probas nuklear armi respondante ad India. Anke a Pakistan esas imperita komercala punisi.
• 30ma di mayo - Ter-tremo en nord Afganistan. 5.000 homi mortas.
• 9ma di julio - En Afganistan, la Talibani imperas, ke l'Afgani devas neuzar televiziono e video-kaseti, pro ke li esas kontre Islamala moralo.
• 20ma di julio - Lyonpo Jigme Thinley divenas chefministro di Bhutan.
• 5ma di agosto - Irak finas omna laboro kun armal inspektisti di UN.
• 20ma di agosto - En Afganistan Usa sendas fuzei a militala kampi di Al-Kaida fondita da Osama bin Laden.
• 5ma di septembro - Kim Jong-il divenas supra chefo di la republiko di Nord-Korea.
• 13ma di novembro - Bill Clinton imperas atakor Irak per aeroplani. Lasta-instante, Irak promisas kunlaborar kun l'armal inspektisti di UN.
• 20ma di novembro - La tribunalo dil Talibani deklaras ke Osama bin Laden esas ne-kulpinta pri bombo-explozi en Kenia e Tanzania ye agosto.
• 16ma di decembro - Prezidanto Bill Clinton imperas ke Usa ed Unionita Rejio atakos Irak aerale. L'armal inspektisti di UN ekvenas Irak.
• 19ma di decembro - Vice-prezidanto di Irak Taha Yassin Ramadan deklaras ke kunlaboro kun UN finas ed anke l'armal inspekti finas.
• 26ma di decembro - Irak anuncas, ke ol pafos ad Usana e Britanian aeroplani, se li invadus super Irak.
• 29ma di decembro - Reda Khmer exkuzas pri gentocido da li en Kambodja dum la yari 1970ma, kande plua kam 1 milion Kambodjani perisis.

Afrika

• 7ma di agosto - Bombi explozas en l'ambasadeyi di Usa en Dar-es-Salaam, Tanzania, e Nairobi, Kenia, e produktas entote 230 morti - di qui 207 Keniana civitani - e 4.500 vunditi. Quar membri de Al-Kaida akuzesis pri l'atako.
• 20ma di agosto - En Sudan, Khartoum, Usa atakas posibla armifeyo kemiala di al-Kaida. La medikamentifeyo di al-Shifa destruktesas.
• 29ma di oktobro - En Sudafrika la Vereso-Komitato publikigas lua raporto pri eventi dum apartheid. Omna partopreninti di rasala konflikti judikesas kom kulpinta pro krimini.

Nord-Amerika

• januaro - Nivala buraskego atakas esta rivo di Usa. On opinionas, ke el Niño efektigis olu.
• 4ma til la 10ma di januaro - En Kanada eventas granda frosto-sturmo. Multega arbori domajesas, 28 personi mortas, elektrala linei basigesas e plu kam mil elektrala piloni destruktesas.
• 22ma di januaro - "Unabomber" Theodore Kaczynski judiciesas en karcero dumvive.
• 26ma di januaro - Prezidanto Bill Clinton negas ke il mantenis sexuala relato kun praktikantino Monica Lewinsky en la Blanka Domo.
• 28ma di januaro - Ford Motor Company anuncas ke ol kompros Volvo po 6,45 miliardi dolari.
• 29ma di januaro - En Birmingham, Alabama, bombo explozas che abortigo-kliniko. Un mortas e multa lezis su.
• 27ma di marto - En Usa on aceptas Viagra kom medikamento kontra impotenteso virala.
• 7ma di mayo - Mercedes-Benz kompras Chrysler. La maxim granda fuziono en historio kreas DaimlerChrysler.
• 17ma di agosto - Prezidanto Bill Clinton konfesas, ke il havis "ne-apta interago korpala" kun praktikanto Monica Lewinsky.
• 20ma di agosto - Supra Korto di Kanada imperas ke Quebec ne darfas separeskor de Kanada sen permiso da rejimo unionala.
• 29ma di septembro - La parlamento di Usa dekretas lego "Liberigala lego Irakana", qua deklaras, ke Usa volas desaparigor Saddam Hussein de povo.

Central Amerika

• 2ma di februaro - Miguel Ángel Rodríguez vinkas prezidantal elekto en Kosta Rika.
• 30ma di oktobro - En Honduras, ciklono Mitch produktas 5.500 morti.

Sud-Amerika

• 6ma di decembro - Hugo Chávez Frías vinkas prezidantal elekto en Venezuela.

Oceania

• 5ma di mayo - Francia signatas interkonsento en Noumea por transferar povo a lokala habitanti de Nova-Kaledonia.
• 17ma di julio - Ter-tremi en marala lito efektigas ondego, qua destruktas 10 vilaji en Papua-Nova-Guinea e produktas 1.500 morti.

Naski

• 6ma di aprilo - Peyton Roi List, Usan aktorino

Yuliya Lipnitskaya

• 5ma di junio - Yuliya Lipnitskaya, Rusian artala sketistino
• 19ma di junio - Suzu Hirose, Japonian aktorino e manekinino
• 23ma di junio - Josip Brekalo, Kroatiana futbalisto
• 8ma di julio - Daria Spiridonova, Rusa gimnastikistino
• 20ma di decembro - Kylian Mbappé Lottin, Franca futbalisto

Morti

• 1ma di januaro - Haxhi Lleshi, prezidanto di Albania (n. 1913)
• 5ma di januaro - Sonny Bono, Usana kantisto, aktoro e parlamentano (n. 1935)

Vladimir Prelog

• 7ma di januaro - Vladimir Prelog, Kroata kemiisto, Nobel-laureato (n. 1906)
• 9ma di januaro - Kenichi Fukui, Japoniana kemiisto, Nobel-laureato (n. 1918)
• 15ma di januaro - Junior Wells, Usana muzikisto (n. 1934)
• 19ma di januaro - Carl Perkins, Usana muzikisto (n. 1932)
• 23ma di januaro - Hilla Limann, prezidanto di Ghana (n. 1934)
• 6ma di februaro - Nazim al-Kudsi, prezidanto di Siria (n. 1906)

Halldór Laxness

• 8ma di februaro - Halldór Laxness, Islandana skriptisto, Nobel-laureato (n. 1902)
• 17ma di februaro - Ernst Jünger, Germana skriptisto (n. 1895)
• 26ma di februaro - Theodore Schultz, Usan ekonomikisto, Nobel-laureato (n. 1902)
• 27ma di februaro - George Herbert Hitchings, Usana ciencisto, Nobel-laureato pri Fiziologio o Medicino (n. 1905)
• marto - Théodore Sindikubwabo, prezidanto di Ruanda (n. 1928)
• 8ma di marto - Peter Nilson, Sueda skriptisto ed astronomo (n. 1937)
• 15ma di marto - Benjamin Spock, mediko, skriptisto, olimpiala vinkanto (n. 1903)
• 15ma di marto - Tim Maia, Braziliana kantisto (n. 1942)
• 16ma di marto - Derek Harold Richard Barton, Britaniana kemiisto, Nobel-laureato (n. 1918)
• 19ma di marto - Sosuke Uno, chefministro di Japonia (n. 1922)
• 10ma di aprilo - Francis Durbridge, Britaniana skriptisto pri detektivi (n. 1912)
• 15ma di aprilo - Pol Pot, ex-diktatoro di Kambodja (n. 1925)
• 17ma di aprilo - Linda McCartney, Usana muzikisto, spozino di Paul McCartney (n. 1941)
• 19ma di aprilo - Octavio Paz, Mexikiana skriptisto e diplomacisto, Nobel-laureato pri Literaturo (n. 1914)
• 21ma di aprilo - Jean-François Lyotard, Franca filozofo (n. 1924)
• 23ma di aprilo - Konstantinos Karamanlis, Grekiana politikisto, chefministro e prezidanto di Grekia (n. 1907)
• 2ma di mayo - Hide (Hideto Matsumoto), Japoniana muzikisto, membro di rock-grupo X Japan (n. 1964)
• 6ma di mayo - Chatichai Choonhavan, chefministro di Tailando (n. 1920)
• 7ma di mayo - Allan McLeod Cormack, Sudafrikana fizikisto, Nobel-laureato (n. 1924)

Frank Sinatra

• 14ma di mayo - Frank Sinatra, Usana kantisto (n. 1915)
• 19ma di mayo - Sosuke Uno, chefministro di Japonia (n. 1922)
• 8ma di junio - Sani Abacha, prezidanto di Nigeria (n. 1943)
• 13ma di junio - Lucio Costa, Brazilian arkitekto (n. 1902)
• 16ma di junio - Mahbub ul Haq, Pakistanana ekonomikisto (n. 1934)
• 23ma di junio - Maureen O'Sullivan, Irlandan aktorino, Jane di Tarzan (n. 1911)
• 13ma di julio - Konstantinos Kollias, militisto e chefministro di Grekia (n. 1901)
• 14ma di julio - Dick McDonald, Usana komercisto, fondinto di McDonald's (n. 1909)
• 16ma di julio - Mahbub ul Haq, Pakistanan ekonomikisto (n. 1934)

Alan Shepard

• 21ma di julio - Alan Shepard, Usan astronauto, unesma Usano en kosmo en 1961 (n. 1923)
• 29ma di julio - Jorge Pacheco Areco, prezidanto di Uruguay (n. 1920)
• 3ma di agosto - Alfred Schnittke, Rusa kompozisto (n. 1934)
• 5ma di agosto - Todor Zhivkov, chefo di stato e chefministro di Bulgaria (n. 1911)
• 26ma di agosto - Frederick Reines, Usana fizikisto, Nobel-laureato (n. 1918)
• 26ma di agosto - Robert Castelló, Andoran Idisto (n. 1914)

Akira Kurosawa

• 6ma di septembro - Akira Kurosawa, Japoniana filmifisto (n. 1910)
• 14ma di septembro - Yang Shangkun, prezidanto di Populala Republiko di Chinia (n. 1907)
• 21ma di septembro - Florence Griffith Joyner, Usan atletino (n. 1959)
• 26ma di septembro - Betty Carter, Usana jazo-kantistino (n. 1930)
• 24ma di oktobro - Rafael Alonso, Hispan aktoro (n. 1920)
• 5ma di novembro - Momoko Kōchi, Japonian aktorino (n. 1932)
• 7ma di decembro - Martin Rodbell, Usana biokemiisto, Nobel-laureato (n. 1925)
• 20ma di decembro - Alan Lloyd Hodgkin, Britaniana biologiisto, Nobel-laureato (n. 1914)
• Andreas Juste, Belga advokato ed Idisto (n. 1918)

Nobel-premiiziti

• Fiziko: Robert B. Laughlin, Horst L. Störmer, Daniel Chee Tsui
• Kemio: Walter Kohn, John Pople
• Fiziologio o Medicino: Robert F. Furchgott, Louis J. Ignarro, Ferid Murad
• Literaturo: José Saramago
• Paco: John Hume, David Trimble
• Ekonomiko: Amartya Sen