20ma yarcento

Historio > yarcento
19ma yarcento $\leftarrow$ 20ma $\rightarrow$ 21ma yarcento
Kursiva yaro ne apartenas a ca yarcento:
1900a yari:	1900	01	02	03	04	05	06	07	08	09

1910a yari:	10	11	12	13	14	15	16	17	18	19

1920a yari:	20	21	22	23	24	25	26	27	28	29

1930a yari:	30	31	32	33	34	35	36	37	38	39

1940a yari:	40	41	42	43	44	45	46	47	48	49

1950a yari:	50	51	52	53	54	55	56	57	58	59

1960a yari:	60	61	62	63	64	65	66	67	68	69

1970a yari:	70	71	72	73	74	75	76	77	78	79

1980a yari:	80	81	82	83	84	85	86	87	88	89

1990a yari:	90	91	92	93	94	95	96	97	98	99
2000a yari:	2000

La duesma mondomilito esis la maxim granda konflikto di la historio.

La 20ma yarcento komencis ye la 1ma di januaro 1901 e finis ye la 31ma di decembro 2000. Dum ta yarcento eventis la falio di Otomana, Germana e Austriana-Hungariana imperii, ed anke l'Unesma e la Duesma mondomiliti.

De la fino di duesma mondomilito til 1991 restis du superpovi en la mondo: Usa e Sovietia. La tensi inter la du kreskis, ed originis kolda milito. Du importanta militi esis konsequaji de ta tensi: milito di Korea e milito en Vietnam. En 1991 Sovietia krulis, ed Usa divenis l'unika superpovo del mondo.

Gradope pos la duesma mondomilito komencis la deskoloniigo di Afrika ed Azia. Indiana subkontinento dividesis en du nedependanta stati en 1947: India e Pakistan. En Azia la deskoloniigo-proceso en Indochinia rezultis en l'Unesma milito en Indochinia, qua duris de 1946 til 1954. En Afrika deskoloniigo-proceso di Aljeria rezultis en la milito di Aljeria, qua duris de 1954 til 1962.

Dum la 20ma yarcento facesis granda progreso en teknologio e medicino. La habitantaro di la Tero kreskis tre rapide, e superiris 6 miliardi ante la fino dil yarcento. Granda epidemii kontrolesis per vacini e nova medikamenti, exemple l'antibiotiki. Tamen, dum la yari 1980ma l'epidemio di AIDS expansis.

Eventis revoluciono en la telekomuniko ed expanso di la konoco tra la developo di komputeri* ed interreto. Transporto anke subisis revoluciono, kun l'expanso dil uzo di vehili kun motori di interna kombusto (automobili, kamioni, avioni...). L'aviono, inventita dum la komenco dil yarcento, evolucionis til permisar trans-kontinentala voyaji en poka hori. Ol anke evolucionis kom armo por militi, ed esis intense uzata dum la duesma mondomilito.

Sputnik 1, l'unesma artificala satelito.

La developo di fuzei dum e pos la duesma mondomilito permisis lansar l'unesma artificala satelito en 1957 e sendar l'unesma homo a Luno en 1969, ed anke sendar kosmoprobili ad altra planeti. L'artificala sateliti permisis expansar la komuniki de un kontinento ad altra, expansar la vetera predico e trovar minerala richesi en la subtero.

Multa socii diferesis e diversa politikala idei vinkis e falis kun stati.