21ma yarcento
| Historio > yarcento |
| Yarcenti: |
| 20ma21ma22ma
|
| Yardeki: 2000a • 2010a • 2020a • 2030a • 2040a |
| Yari: 2001 • 2002 • 2003 • 2004 • 2005 |
La 21ma yarcento esas la nuna yarcento, segun la Gregoriala kalendario. Ol komencis ye la 1ma di januaro 2001 e finos ye la 31ma di decembro 2100.[1]
Dum l'unesma yari di ta yarcento la nomizita globaligo expansis. Pri la klimato, l'efekti di tale nomizita globala varmigo divenabas plu intensa.
Dum ca yarcento, la telekomuniki expansesis, nome smartfoni: dum la fino di la 20ma yarcento nur mikra procento de la habitantaro di Tero havis smartfoni; en 2023 preske 67% de la habitantaro havis smartfoni, la maxim multa ek li konektita ad interreto. Tale nomizita artifical inteligenteso developesis multe rapide dum la komenco dil yarmilo: ye la 30ma di novembro 2022 lansesis ChatGPT, l'unesma "genitiva artifical inteligenteso", qua povas krear texti simile a la kreita da homi, uzanta granda linguala modeli (Angle: large language models, abreviuro LLM). Ye la 10ma di agosto 2023 lansesis DALL-E 3, artifical inteligenteso qua povas krear imaji de informi e detali mashinoskribita en komputeri. Kelka specalisti suciis pri remplaso di homala inteligenteso, plajiado di idei, texti ed imaji, e kreo e dissemo di misinformi.
Dum la komenco dil yari 2020a eventis pandemio di respirala viruso KOVID-19, qua produktis milion di mortinti en tota mondo.
Referi
[redaktar | redaktar fonto]- ↑ The 21st Century and the 3rd Millennium - Publikigita da aa.usno.navy.mil. URL vidita ye 6ma di novembro 2018. Idiomo: Angla.