1972

Yardeki:

Yari:

1901 • 1902 • 1903 • 1904 • 1905
1906 • 1907 • 1908 • 1909 • 1910
1911 • 1912 • 1913 • 1914 • 1915
1916 • 1917 • 1918 • 1919 • 1920
1921 • 1922 • 1923 • 1924 • 1925
1926 • 1927 • 1928 • 1929 • 1930
1931 • 1932 • 1933 • 1934 • 1935
1936 • 1937 • 1938 • 1939 • 1940
1941 • 1942 • 1943 • 1944 • 1945
1946 • 1947 • 1948 • 1949 • 1950
1951 • 1952 • 1953 • 1954 • 1955
1956 • 1957 • 1958 • 1959 • 1960
1961 • 1962 • 1963 • 1964 • 1965
1966 • 1967 • 1968 • 1969 • 1970
1971 • 1972 • 1973 • 1974 • 1975
1976 • 1977 • 1978 • 1979 • 1980
1981 • 1982 • 1983 • 1984 • 1985
1986 • 1987 • 1988 • 1989 • 1990
1991 • 1992 • 1993 • 1994 • 1995
1996 • 1997 • 1998 • 1999 • 2000

La yaro 1972 (MCMLXXII per Romala algarismi) esis bisextila yaro komencinta ye saturdio segun Gregoriala kalendario. Ol esis la 972ma yaro di la duesma yarmilo, la 72ma yaro di la 20ma yarcento, e la 3ma yaro di la yari 1970a.

Eventi[redaktar | redaktar fonto]

5ma di januaro - NASA publikigas projeto por developar spaco-paromo.
4ma di februaro - Mariner 9 sendas fotografuri de Marso.
2ma di marto - Usa lansas Pioneer 10 aden kosmo.
21ma di marto - Senkrua Sovietiana kosmonavo Luna 20 venas adsur Luno.
16ma di aprilo - Apollo 16 sendesas aden kosmo.
12ma til la 27ma di oktobro - Usana kosmosondilo Mariner 9, en orbito cirkum Marso, prenas fotografuri di la norda polo di la planeto.
7ma di decembro - Apollo 17, la lasta kosmonavo en qua homi voyajos a la luno, lansesas.

30ma di januaro - Bloody Sunday ("Sangoza Sundio"): Britaniana polico pafas kontre manifestanti en Londonderry, Nord-Irlando e mortigas 13.^[1]
26ma di mayo - Sovietia ed Usa subskribas en Moskva pakto "SALT" pri la quanto di la strategiala armi.
23ma di julio - Belga Eddy Merckx vinkas quaresme la Tour de France.
26ma di agosto til 11ma di septembro - Olimpiala Ludi en München.
5 - 6ma di septembro - Masakro en München dum Olimpiala Ludi, 11 Israelani mortigesas.^[2]
26ma di septembro - En plebicito, per 53.5% no-voti, Norvegiani refuzas membreskar Europana Ekonomiala Komunitato.^[3]
En Suedia Olof Palme kontrastas bombardo di Vietnam da Usa kom nacional-socialist agadi.

11ma di januaro - Est-Pakistan chanjas lua nomo a Bangladesh.
24ma di januaro - En junglo che l'insulo Guam, Japoniana soldato Shoichi Yokoi deskovresas da du lokala homi. Il esas serjento di la Imperiala Japonian armeo; pos la kapto dil insulo da Usan armeo en 1944, il ed altri celis su en kaverno. Quankam il saveskis en 1952 ke la duesma mondomilito finis, il pensis ke kapteso esus shaminda. De 1964 ilu transvivis sola.
30ma di januaro - Pakistan abandonas Commonwealth.
31ma di januaro - Birendra divenas rejulo di Nepal.
10ma di aprilo - Ter-tremo kun epicentro en Ghir, Iran, mortigas plu kam 5 300 personi.^[4]
13ma di aprilo - Milito di Vietnam: komencas la batalio di An Lộc.
15ma di mayo - Okinawa, insulo okupita da USA en 1945 dum la duesma mondomilito retrovenas a Japoniana dominaco.
Julio - Usan aktorino Jane Fonda vizitas Nord-Vietnam.
11ma di agosto - Lasta infantriala trupi di Usa departas de Sud-Vietnam.
Kim Il Sung divenas prezidanto di Nord-Korea.

17ma di junio - Skandalo di Watergate komencas: Dum elektala kampanio en Usa, polico surprizas 5 personi qui instalis sekreta mikrofoni en la sideyo di Demokrata Partiso, en l'edifico Watergate, Washington DC. La kin spionisti konfesos ke laboris en la kampanio por rielektar Usana prezidanto Richard Nixon.
25ma di oktobro - Belgiana biciklisto Eddy Merckx establisas nova mondala rekordo en horala konkurso kontre horlojo en México.

23ma di decembro - Ter-tremo kun forteso 6,2 che la skalo di Richter ed epicentro 28 km norde de Managua produktas 6.000 morti.^[5]

15ma di februaro - En Equador prezidanto José María Velasco Ibarra revokesas de povo.
13ma di oktobro - Uruguayan aviono Fokker F27 (Flugo 571) transportante 45 personi acidentas en l'Andi. La 16 transvivanti praktikos kanibalismo kun mortinti por transvivar. Sokurso di transvivanti eventos nur ye la 22ma di decembro.^[6]