Andi

De Wikipedio
Irez ad: pilotado, serchez
Aerala imajo di Andi.
Cono de Arita, Salta (Arjentinia).
Antizana, Equador.

Andi esas la maxim extensa montaro del mondo. Ol jacas en Sud-Amerika, e krucumas teritorii di Venezuela, Kolumbia, Equador, Peru, Bolivia, Arjentinia e Chili. Lua totala extenso esas plu kam 7,000 km de nordo til sudo, e lua mezvalora altitudo esas 4,000 metri.

Andi esas la duesma maxim alta montaro del mondo. Lua maxim alta monto, Aconcagua, an la frontiero inter Chili ed Arjentinia, havas 6,962 metri di altitudo. Ojos del Salado, la maxim alta volkano del mondo kun 6,893 metri di altitudo, anke jacas en Andi. Plusa altra 50 volkani anke havas plu kam 6,000 metri di altitudo.