Mars 3

De Wikipedio
Salti al navigilo Irez a serchilo
Modelo di Mars 3

Mars 3 esis kosmosondilo di USSR por explorar la planeto Marso.

Ol lansesis ye 28 di mayo 1971, non dii pos la lanseso di identa navo Mars 2. La arivala procedo di Mars 2 faliis ed ol kolizionis kun Marso; tamen ye 2 di decembro 1971, Mars 3 dolce atingis la surfaco di la planeto. Ol esis la unesma kosmosondilo qua facis lo.

90 sekundi pos arivo ol komencis transmisar a la navo qua adportabis la sondilo e qua esis en orbito cirkum Marso. Un imajo, montranta nula detali, transmisesis. Pos plusa 20 sekundi, transmisado cesis, pro nesavata kauzo; forsan lo relatis la forta polvo-sturmo qua eventis ye ta periodo. La sondilo kontenis vehilo por voyajar sur la surfaco di Mars, ma to ne esis utiligata.

La navo qua esis en orbito cirkum Marso duris transmisar a Tero dum plusa ok monati.