Nazismo

Nazismo (abreviuro de germ. Nationalsozialismus), Nacionala socialismo o Hitlerismo (segun la chefo di Germaniana - l'extrema formo di fashismo, olua Italiana variajo, fondita sur sociala darvinismo, biologiala rasismo (partikulare anti-semidismo), Prusiana militarismo e Germana shovinismo. Lo esis ideologio landala en totalitarista Germania en la yari 1933-1945, kande guvernis nazista partiso NSDAP.

Precipua ideologi dil nazismo esis: Adolf Hitler, Alfred Rosenberg e Joseph Goebbels.

En 1933 la Nacional-socialistala Laboristala Partiso di Germania (NSLPG) sub guido da Adolf Hitler konquestis la povo per manovri politikal e teroro. La nacional-socialismo ne havis fixa koheranta doktrino, ma esis konstruktita de diferant elementi. Important esas la kulto di violenteso e la kredo ye superioreso di la Germana raso. De ca lasta penso sequis unalatere la postulo di "Lebensraum" por la Germana populo ed junto di Germana-linguala parolanta populi en la Germana stato ('hemo en imperiero') ed altralatere destrukto (judi) o servigo (sklavi) di altra populi. La kulto di violenteso obtenis formo en privat-militeral e militeral organizuri quale "SA" (Sturmabteilung) e la "SS" (Schutzstaffel).

Dum la yari 1980ma riorganizis su grupi fashista, qui referis ad hitlerismo, la talanomizita neonazisti.