Oblast Kaliningrad

De Wikipedio
Salti al navigilo Salti al serĉilo
Flago di Kaliningrad Oblast

Kaliningrad Oblast esas extera provinco di Rusia qua jacas an la Baltika Maro.  Ol havas frontieri kun du landi, Polonia (sude) e Lituania (norde ed este).  Ol do distas cirkume 700 km de la precipua frontiero inter Rusia ed Europa.

Kaliningrad havas la sama konstitucala rango kam la altra 84 federala provinci ("oblast"-i) di Rusia.  Kun areo de 15.000 km² ol esas inter la maxim mikra provinci dil rusa federuro.

Ol havas habitantaro de 941.873 homi (en 2010).  La chefurbo esas Kaliningrad, di quo la olima nomo esis Königsberg.  Preske duimo (431.902) del provincani habitas ica urbo.

Loko di Kaliningrad Oblast relate Rusia

Kaliningrad esas la unika Baltika portuo rusa qua restas senglacia dum la vintro.  Senvista voyajo a la precipua parto di Rusia esas posibla nur per aero o maro.

La provinco esis olim parto di Germania.  Hodie ol esas importanta centro fabrikala.  En 2006 on evaluis, ke un ek omna tri televizion-aparati produktita en Rusia, fabrikesis en Kaliningrad.