Oranjea revoluciono

De Wikipedio
Salti al navigilo Irez a serchilo
Demonstranti an la Nedependo-Placo (Maidan Nezalezhnosti) dum la komenco dil Oranjea revoluciono.

L'Oranjea Revoluciono (Ukrainana: Помаранчева революція, Pomarancheva revolyutsiya) esis serio de protesti e politikal eventi en Ukraina de tarda novembro 2004 til januaro 2005, pos la duesma voto dil ukrainana prezidantal elekto di 2004, qua asertite domajesis da enorma korupteso, votero-timidigo e direta elektala fraudo.

Kyiv, la chefurbo di Ukraina, esis la foko dil kampanio di civitanala rezisto, e mili de homi protestis singladie. Tot-nacione, la demokrata revoluciono karakterizesis da serio de agi di civitanala desobedio, okupi, e generala striki organizita dal opozanto-movado.

La protesti instigesis da raporti de plura nacional e stranjer elekto-observeri, ultre la publika percepto ke la rezulti di la duesma voto di 21 novembro 2004 inter la kandidati Viktor Yushchenko e Viktor Yanukovich fraudesis dal autoritati favore la lasta. La tot-naciona protesti sucesis kande la rezulti dil originala voto anulesis, e ri-voto imperesis dal Supra Korto di Ukraina por 26 decembro 2004.

Sub intens explorado da nacional ed internaciona observeri, la duesma voto deklaresis kom "yusta e libera". La finala rezulti montris klara vinko por Yushchenko, qua recevis cirkume 52% de la voti, kompare 44% por Yanukovich. Yushchenko deklaresis kom l'oficala vinkanto e per lua instaleso ye 23 januaro 2005 en Kyiv, l’Oranjea Revoluciono finis.

Dum la sequanta yari, l’Oranjea Revoluciono havis negativ imajo en por-guverneria medii en Bielorusia e Rusia.

Lor la prezidantal elekto di 2010, Yanukovich divenis la sucedanto di Yushchenko kom Ukraina-prezidanto, pos ke la Centrala Elekto-Komisitaro ed internaciona observeri deklaris ke la prezidental elekto konduktesis yuste. Yanukovich ekpulsesis de povo quar yari pose, pos l'Euromaidan-lukti di februaro 2014 en Nedependo-Placo en Kyiv. Nequale la sensanga Oranjea Revoluciono, ta protesti rezultis en plu kam 100 morti, grandaparte inter 18 e 20 februaro 2014.