Organizuro por Afrikan Uneso

De Wikipedio

L'organizuro por Afrikan Uneso (OAU) esis interguvernerial organizuro fondita la 25ma di mayo 1963 por promocar l'Afrikan uneso e solidareso, koordino di politiko, luktar koloniigo e defensar ensemble la nedependanteso di membro-stati. Ol naskis de ja plu-longe existanta pan-afrikanismo.

La chefa kontoro di OAU esis en Adis Abeba, (Etiopia) pro invito dal olim imperiestro Haile Selasi l'1ma. La charto dil organizuro esis signatita da 23 nedependant Afrikana stati. Ye l'instanto di desligo OAU havis 53 de 54 Afrikana landi. Maroko livis OAU ye la 12ma di novembro 1984, kom reakto ye l'admiso di Sahrawi Arabiana Demokrata Republiko (SADR). Same kam Maroko SADR revendikas westala Sahara.

OAU desligesis la 9ma di julio 2002 e sucedesis dal Uniono Afrikana.