Personala komputoro

De Wikipedio
Irez a navigado Irez a serchilo
personala komputoro de la yari 2000a
Desinistre addextre: Commodore PET, Apple II e TRS-80.

Personala komputoro* o personala komputero*, abreviate: PK, esas komputoro* developita por individual uzo. Li esas uzata por exekutar diversa taski, quale administrado, textifado, aceso ad interreto, programifo, grafikala laboro e komputerala ludili, per programi aquirita dal uzanto. Personala komputori konstante uzesas por individuala laboro, docado, skolal agadi e hobii, ma ofte uzesas ank en entraprezi, ordinare konektita ad altra personala komputeri per lokala reto.

Personala komputori komencis developesar rapide pos la fino di la yari 1970a. Ante to, nur existis granda komputori, qui uzesis por traktar granda quanto di datumi en granda entraprezi, guvernala departamenti, granda universitati ed inquesto-institucuri. En 1974 aparis l'unesma vera "personala komputoro", Altair 8800, qua uzis mikroprocesoro Intel 8800, e posibligis programifar uzanta programifo-linguo BASIC.

En 1976, Steve Jobs e Steve Wozniak developis e vendis 50 exempleri di Apple I, nome por entuziasmozi qui prizis l'ideo pri muntar lia propra komputatori. Ye la sequanta yaro, en januaro, aparis Commodore PET, e tri monati pose, en aprilo, aparis Apple II, ed en agosto lansesis TRS-80, qua vendis plu kam 100 mil exempleri dum lua existo. La modelo TRS-80 povis uzar ordinara televidilo vice komputera skreno, e to posibligis diminutar lua preco.

IBM-5150

Dum la sequanta yardeko, personala komputori pokope populareskis, ed en agosto 1981 IBM lansis IBM-5150, maxim konocata kom IBM PC, lua unesma portebla komputoro uzanta mikroprocesoro Intel 8088. Ol havis tale nomizita "apertita arkitekturo", t.e. la proprietanto povus augmentar la quanto di memoro, chanjar periferiala aparati, edc. Ye la sequanta yaro aparis mikroprocesoro Intel 80286, qua uzesis en komputori IBM PC/AT depos 1984. En 1985, Intel lansis mikroprocesoro 80386, anke konocata kom i386, l'unesma mikroprocesoro qua uzis 32-bicok*-arkitekturo. En 1989, Intel lansis mikroprocesoro i486.

Dum la yari 1990a, personala komputori gradope populareskis anke por domala uzo, nome pos l'expanso di interreto.