Piano-Koncertomuzikajo No. 20 (Mozart)
La Piano-Koncertomuzikajo No. 20 en re minora, K. 466 skribesis da Wolfgang Amadeus Mozart en 1785.
La unesma pleo eventis che la Mehlgrube-Kazino en Wien, Austria ye 11ma februaro 1785, kun la kompozisto ipsa kom soloisto.
Historio
[redaktar | redaktar fonto]Kelka dii pos la unesma pleo, la patro dil kompozisto, Leopold, vizitanta Wien, skribis a sua filiino Nannerl pri la recenta suceso da elua fratulo': "[me audis] ecelanta nova piano-muzikajo da Wolfgang, pri qua la kopiisto ankore laboris lor nia arivo, e vua fratulo ne mem havis tempo traplear la rondo pro ke il mustis surveyar la kopiado."
_034.jpg)
Ol skribesis en la tono re minora. Altra verki da Mozart en ta tono inkluzas Fantasia K. 397 por piano, la Requiem, Kyrie, meso, la ario "Der Hölle Rache kocht in meinem Herzen" del opero Die Zauberflöte (La Magiala Fluto) e parti dil opero Don Giovanni. Ol esas la unesma de du piano-muzikaji skribita en minora tono (la altra esas No. 24 en do minora).
La yuna Ludwig van Beethoven admiris ica muzikajo e mantenis ol en sua repertorio. Daniel Barenboim asertas ke ol esis la favorato di Iosif Stalin.
Movimenti
[redaktar | redaktar fonto]La koncerto-muzikajo skribesis por solo-piano, fluto, du hoboyi, du basoni, du korni, du trumpeti, timpani e kordi. Tipale che koncerto-muzikaji, ol esas en tri movimenti:
Allegro (en re minora)
Romanze (en si-bemolo majora)
Allegro assai (en re minora, finanta en re majora)