Pierre Auguste Cot

De Wikipedio
Jump to navigation Jump to search
Monumento a Pierre Auguste Cot

Pierre Auguste Cot ([17ma di februaro]] 1837 - 2ma agosto 1883) esis franca piktisto dil skolo Akademial Arto.

Biografio[redaktar | redaktar fonto]

Cot naskis en Bédarieux, Hérault, ed unesme studiis che la Ecole des Beaux-Arts en Toulouse ante irar a Paris. Il studiis sub Leon Cogniet, Alexandre Cabanel e William-Adolphe Bouguereau. En 1863 il sucesoze debutis che la Salon, e de la yari 1870ma, lua populareso rapide kreskis.

Le Printemps

Cot havis kom patrono l'akademiala skultisto Francisque Duret, kun la filiino di qua il mariajesis; e William-Adolphe Bouguereau, kun qua il anke laboris. Bouguereau piktis portreto di la filiino di Cot, Gabrielle. Bouguereau dineis kun la familio Cot por celebrar la mariajo di Gabrielle kun arkitekto qua nomesis Zilin. L'artisto donis la pikturo a la spozino di Duret, l'avino di Gabrielle.

Cot ganis diversa premii e medalii, ed en 1874 divenis Chevalier di la Légion d'honneur.

Il mortis en Paris evinte 46 yari. Il enterigesis che la tombeyo Père Lachaise.

Verki[redaktar | redaktar fonto]

Il kreis plura verki ankore populara, inkluzite Le Printemps, imajo di du yun amoranti sidanta sur ocililo, e La Tempête. Amba ta pikturi expozesas che la Metropolitan Museum of Art en New York-urbo; La Tempête apertenas la muzeo, ma Le Printemps esas proprietata private.

Cot anke esis famoza pro sua portreti, la maxim multa ek lua verki. La plu duranta figurala verki, quala La Tempête, esas relative rara. Kurte pos lua morto evinta quaradek-e-sis (2ma agosto 1883), suskripto startesis por memorala monumento al artisto, quo erektesis en Bédarieux en 1892.

Ophelia

Verki da Cot[redaktar | redaktar fonto]

  • Dionysia (1870), Chi-Mei-Muzeo, Taiwan
  • Ophelia (1870)
  • La Bohémienne (1871)
  • Le Printemps (1873), Metropolitan Museum of Art, New York-urbo
  • La Tempête (1880), Metropolitan Museum of Art
  • La Liseuse (c. 1880)
  • Portreto di Madame Mas (1882)
  • Mireille (1882), Musée Fabre, Montpellier

Studenti[redaktar | redaktar fonto]