Toulouse
| Toulouse | ||
| ||
| Kelk imaji pri Toulouse. | ||
|
.svg)
| |
| Standardo | Blazono | |
| Lando: |  Francia
| |
| Regiono: | Ocitania | |
| Departmento: | Haute-Garonne | |
Informo:
| ||
| Latitudo: | 43°36'16"N | |
| Longitudo: | 1°26"38"E | |
| Altitudo: | 115 til 263 m | |
| Surfaco: | 118.3 km² | |
| Habitanti: | 498 003 (2020) | |
| Denseso di habitantaro: | 4200 hab./km² | |
| Horala zono: | UTC+1 (UTC+2 dum somero) | |
| Urbestro: | Jean-Luc Moudenc (LR)[1] | |
Mapo:
| ||
| ||
Oficala retosituo:
| ||
| http://www.mairie-toulouse.fr | ||
Toulouse (Ocitane Tolosa) esas urbo en la departmento Haute-Garonne de la regiono Ocitania, Francia. Segun la demografiala kontado di 2020, ol esis la 4ma maxim populoza urbo di Francia, dop Paris, Marseille e Lyon, havinta 498 003 habitanti, e 1 470 899 habitanti en lua metropolala regiono[2].
Toulouse fondesis dal Romani, e dum la 5ma yarcento ol divenis chef-urbo dil Visigota Rejio. Nun, ol esas sideyo di avional e satelital industrii en Francia. La sideyi di aviono-fabrikanti Airbus (AéroConstellation) ed ATR, e di la fabrikerio di sateliti SPOT jacas ibe. Lua universitato, fondita en 1229, esas un ek la maxim anciena de Europa. Nun, existas altra prestijoza fakultati, nome pri aeronaval injeniorarto. Pro l'existo di ca fakultati e dil universitato, nun Toulouse havas 140 mil studenti universitatala, esanta la 4ma maxim granda studentala urbo di Francia.
Tri loki dil urbo deklaresis Mondala Patrimonio di la Homaro da UNESKO: l'aquedukto Canal du Midi, la baziliko di Sant-Sernin (Santa Saturninus) en stilo Romanesko, e l'anciena hospitalo Hôtel-Dieu Saint-Jacques vicina a la baziliko, pro lia signifiki por la pilgrimo a Santiago de Compostela.
Historio[redaktar | redaktar fonto]
Homi ja habitis la regiono di la nuna Toulouse dum la 8ma yarcento aK. Nomizita Tolosa dum l'Antiqueso, ol esis administratala e intelektala centro di Romana provinco Narbona. En 407 vandali siejis l'urbo, ma la episkopo Santa Exuperius kunvokis l'habitantaro por rezistar, e vandali suspensis la siejo e movis vers Hispania. Dum la 5ma yarcento ol divenis chef-urbo di ocidentala Goti, e kristaneskis. En 507 ol okupesis da Frankiani.
En 721, duko Odo de Aquitania vinkis Mohamedana invaderi de kalifio Umayyad. En 778, Karolus la Granda kreis dukio Toulouse por protektar la frontiero kun Mohamedana Hispania. De la 9ma til la 13ma yarcenti komti Raimond es tre autonoma di rejio franki. Ta lasta dum l'Albiginesa krucomilito retro-donis povi.
Pastel-komerco komencis depos 1463. Pesto esis periodala.
Fabrikerio AZF (kemio) explozis ye la 21ma di septembro 2001 (30 mortinti ed 8 000 vunditi).[3]
Demografio[redaktar | redaktar fonto]
| Demografio di Toulouse inter 1982 e 2004
| |||
| 1982 | 1990 | 1999 | 2004
|
| 541 271 | 650 336 | 761 090 | 844 910 |
l'internaciona Ido-renkontro[redaktar | redaktar fonto]
De la 23esma til la 27esma di septembro 2005 eventis l'internaciona Ido-renkontro.[4]
Referi[redaktar | redaktar fonto]
- ↑ "Répertoire national des élus: les maires" - Publikigita da INSEE. URL vidita ye 12ma di junio 2023.
- ↑ "Statistiques locales - Toulouse : Aire d'attraction des villes 2020 - Population municipale 2020" - Publikigita da INSEE. URL vidita ye 13ma di junio 2023. Idiomo: Franca.
- ↑ Explozas AZF -
- ↑ Internaciona Ido-renkontro dum la tempo inter la 23esma e 27esma di septembro 2005 en Toulouse -