Puebla, Puebla

De Wikipedio
Salti al navigilo Irez a serchilo
Puebla, Puebla
Puebla montage.jpg
Kelk imaji pri Puebla.
Bandera de Puebla de Zaragoza.png Escudo Puebla.png
Standardo Blazono
Lando: Flag of Mexico.svg Mexikia
Informo:
Latitudo: 19°02'N
Longitudo: 98°11'W
Altitudo: 2135 m
Surfaco: 534,32 km²
Habitanti: 1 576 259 (2010)
Horala zono: UTC-6
(UTC -5 dum la somero)
Urbestro: Claudia Rivera Vivanco
Mapo:
Mapo di Puebla, Puebla
Oficala retosituo:
www.pueblacapital.gob.mx

Puebla, olim Heróica Puebla de Zaragoza ed anke konocata kom Puebla-urbo, esas la sideyo dil Municipo Puebla, la chefurbo e maxim granda urbo dil stato Puebla, ed un ek la kin maxim importanta hispana kolonial urbi en Mexikia. Segun statistiki dil yaro 2010, ol havis 1 576 259 habitanti. Lua tota surfaco esas 534,32 km². Koloniala projetita urbo, ol situesas sudeste de Mexiko e weste del precipua Atlantika portuo, Veracruz, sur la chefvoyo inter le du en Centrala Mexikia.

La urbo fondesis en 1531 en areo Cuetlaxcoapan, quo signifikas "ube serpenti chanjas sua pelo", inter du ek la precipua indijena habiteyi ta-tempa, Tlaxcala e Cholula.  Ica valo ne habitesis en la 16ma yarcento quale en la pre-hispana periodo; la areo precipue uzesis por la "floro-militi" inter plura populi.  Pro lua historio ed arkitekturala stili de Renesanco a Mexikiana Baroko, la urbo divenis Situo di Mondo-Heredajo en 1987.  La urbo esas anke famoza pro mole poblano, chiles en nogada e Talavera-terakotaji.  Tamen, olua ekonomio esas grandaparte fondita sur industrio.

La quaresma maxim granda urbo en Mexikia e la quaresma maxim granda metropolo en Mexikia, ol havas habitantaro de 3.000.123 homi; la urbo servas kom un ek la precipua "nabi" por esta Central Mexikia.  Multa studenti venas de omna parti di la lando por studiar che la multa famoza e prestijoza kolegii quala BUAP, UDLAP, Ibero, UPAEPTecnologico de Monterrey, ec.  La urbo esas anke importanta pro lua industrio, kun la maxim granda Volkswagen-fabrikerio exter Germania situita en la Municipo di Cuautlancingo, ed Audi-fabrikerio en San Jose Chiapa esas la maxim teknologiale avancinta en la westa misfero.  Rezulte, multa provizeri al Volkswagen- ed Audi-fabrikerii havas fabrikerii en la urbana areo di Puebla.