Sinéad O'Connor
| Sinéad O'Connor | ||
.jpg)
| ||
| Profesiono: | kantistino, kompozistino | |
| Lando: |  Republiko Irlando
| |
| Naskodato: | 8 di decembro 1966 | |
| Nasko-loko: | Glenageary, Republiko Irlando | |
| Mortodato: | Lua eroro en Modulo:Wikidata, che la lineo 779: attempt to index field 'datavalue' (a nil value). | |
| Morto-loko: | London, Britania | |
| Retoloko: | https://www.sineadoconnor.com/ | |
Sinéad O'Connor (pron. shined o-konor, n. Sinéad Marie Bernadette O'Connor, ye la 8ma di decembro 1966), pos konverto al islamo en 2018 Shuhada Sadakat, esis Irlandana kantistino, kompozistino e politikal aktivisto. En 2023 el apertis konto che Twitter sub la nomo Sinead Marie-Bernarde Aoibheann O’Connor. Tamen, el duris enrejistrar kansoni uzanta elua olima nomo di artisto Sinéad O'Connor. Per elua aspekto (razita kapo) ed elua voco tener e fort el atraktis atenco.
Pos divorco di elua genitori el vivis kun sua patro. Ye evo 15 el sendesis a Magdalena-azilo, pro desertar skolo e butiko-furto, ube el developis sua qualesi muzikala. Pos elua translojo ad internerio en Watersford, kelka yari pose, el registragis du propre skriptita kansoni.
En 1984 el translojis a Dublin por fondar la bando Ton Ton Macoute. Pos livar ta bando el translojis a London e sur bazo di muziko di Ton Ton Macoute el signatis kontrato kun kompanio Ensigne Records.
En 1987 publikigesis elua debutala disko "The Lion and the Cobra" (La Leono e la Kobrao), qua aceptesis bone da la muzik-jurnalaro. Sinéad razis sua kapo e registragis duesma disko "I do not want what I haven't got" (Me ne volas to quon me ne havas) qua publikigesis en 1990. De ta disko la kansono "Nothing compares to you" (nulo komparas a tu; kompozita da Prince Rogers Nelson) divenis enorma suceso mondo-vaste (anke dankez la video kun lakrimo).
En 1992 Sinéad aparis en l'Usana televizion-spektaklo Saturday Night Live (pos antee refuzir aparar ibe pro mulier-insultanta remarki da komedianto Andrew Dice Clay). Sinéad citis texto di Bob Marley ("War") ante lacerar fotografuro de papo Ioannes Paulus la 2ma, dicante "kombatez la ver enemiko". Per lacerar la fotografuro el manifestis kontre la yari-longa tacado di la roman-katolika eklezio pri la misuzo di minori da roman-katolik sacerdoti. L'ago ne apreciesis dal Usani. Deceptata pro manko di suporto da sam-politikala muzikisti (i.a. Bob Dylan) e pro odioz artikli en la jurnalaro el retretis de la publikeso.
Ye la fino di la yari 90 el ordinacigis su dal Ortodoxa Katolik ed Apostolal Eklezio, sub la nomo Matro Bernadette Maria O'Connor, kom protesto kontre la fakto ke muliera sacerdoti esas kontre la doktrino di la katolik eklezio. El exkomunikesis da la katolik eklezio.
Ye la 24ma di aprilo 2023 el anuncis livar la muzik-industrio. El mortis ye la 26ma di julio 2023, evante 56 yari.