Katolik eklezio

De Wikipedio
Irez ad: pilotado, serchez
Commons-emblem-trademark-issue.svg
Ica artiklo bezonas revizo gramatikala. – Ka vu povas helpar ni revizar ica artiklo?
Katolik eklezio
Latin cross gold.png
Fondinto Kristo
Maxima deo Deo la Patro, Iesu Kristo e la Santa Spirito
Chefo Papo Franciscus
Tipo Kristanismo
Nomo e nombro di sequanti Katoliki, 1,229 milioni
Kanonala Skribaji Biblo

Katolik eklezio esas la plu granda kristana eklezio en la mondo. Ol konsistas ek 23 apartayura eklezii, qui omna agnoskas l'episkopo di Roma, la papo, quale posteulo di santa Petro e chefo di l'omna katolik episkoparo. Inter ti apartayura eklezii, unu, la maxim granda, nominita la latina, esas ocidentala; l'altra esas orientala. La membraro lojas precipue en Europa, Amerika e Central Afrika.

Nomo[redaktar | edit source]

La Grekiana vorto καθολικός (katholikos) signifikas "universala" o "generala" ed esas equivalenta a καθόλου (katholou), kontrakto dil frazo κατὰ ὅλου (kata holou), "segun la tutajo". La vorto esis unesme uzata por deskriptar l'Eklezio en la frua 2ma yarcento . Pos l'Orienta-Ocidenta Skismo di 1054, l'eklezii qui restis en komuneso kun la Roma Katedro (la diocezo di Roma e lua episkopo, la Papo, la chefo-patriarko) divenis konocita kom "katolika", dum ke l'Orientala eklezii qui ne aceptis l'autoritato dil Papo ordinare konocesas kom "Ortodoxa". Pos la Reformo en la 16ma yarcento, l'Eklezio "en komuneso kun l'Episkopo di Roma" uzis la termino "katoliko" por distingar su mem dil diversa protestanta grupi qui disvergis di ol. La nomo "katolika eklezio" aperas en la titolo dil Katekismo dil katolika eklezio. Ol esas anke la termino qua uzis Paulus la 6ma che la subskribo dil dek-e-ses dokumenti dil Duesma Vatikana Koncilio.

La nomo "katolika" esas tamen uzata anke de altra Eklezii, chefe ortodoxi, qua ne aceptas l'uzo nur por ti en komunio kun la Santa Katedro di Roma. Konseque, la vorto "Roma" esas plu preciza e klara. La katolika Eklezio uzas mem la vorto "Roma" en diversa dokumenti, quale l'encikliki Divini Illius Magistri da Pius la 11ma e la Humani generis da Pius la 12ma; komuna deklari subskribita dal Papo Benedictus la 16ma kun Chefo-episkopo de Canterbury Rowan Williams ye la 28 di novembro 2006 e Patriarko Bartolomeo 1ma ek Konstantinopolo ye la 30 di novembro 2006, e de certa episkopala konferenci. En la Katekismo dal Papo Pius la 10ma l'Eklezio esas nomata "Romana".

La vorto Roma tamen esas foye ambigua, nam ol esas ofte uzata striktasence por la Katolika Latina Eklezio (latina rito), por distingar ol di l'Orienta katolika eklezii.