Programo Skylab
Programo Skylab esis Usana programo pri kosmostaciono Skylab funkciita de 14ma di mayo 1973 til 11ma di julio 1979.
Skylab esis la unesma spaco-staciono di Usa. La skopo esis facar diversa ciencala experimenti, inkluzante observadi di la suno.
Skylab lansesis sen homi ye 14 di mayo 1973. La unesma grupo de homi vizitis la staciono de mayo til junio di ta yaro; la triesma e lasta grupo, tri homi, iris a Skylab en novembro. Li facis diversa taski, inkluzante observadi di la kometo Kohoutek. Ye la 8 di mayo 1974 li retrovenis a Tero.
La intenco esis sendar plusa homi per Space-Shuttle; tamen la Space-Shuttle-projeto esis tardigata, e Skylab esis ne pluse utiligata ante ke ol ri-eniris terala atmosfero en 1979.
Precipua skopo dil programo esis pozado di laboratorio en orbito por provar longtempa travivado di homi en kosmo. Bezonita equipuro heredis la programo de nihiligita programo Apollo.
Kosmomisioni dil programo Skylab:
- SL-1 – 14ma di mayo 1973, portito di kosmostaciono Skylab per fuzeo Saturn INT-21, aparis granda problemi teknika pri sunala paneli
- Skylab 2 – 25ma di mayo 1973 (28 dii e 50 minuti), unesma (esquadala: Charles Conrad, Paul Weitz, Joseph Kerwin) kosmomisiono di programo Skylab; on reparis di paneli e diminutis di temperaturo en la staciono de 50 °C ad 24 °C
- Skylab 3 – 28ma di julio 1973 (59 dii, 11 hori e 9 minuti); esquado: Alan Bean, Jack Lousma, Owen Garriott)
- Skylab 4 – 16ma di novembro 1973 (84 dii, 1 horo e 16 minuti); esquado: Gerald Carr, William Pogue, Edward Gibson)