Sol LeWitt
| Sol LeWitt | ||
| Profesiono: | Skultisto, piktisto e desegnisto | |
| Lando: |  Usa
| |
| Naskodato: | 9 di septembro 1928 | |
| Nasko-loko: | Hartford, Connecticut, Usa | |
| Mortodato: | 8 di aprilo 2007 | |
| Morto-loko: | New York City, Usa | |
Sol LeWitt (Hartford (Connecticut), la 9ma di septembro 1928 – Nova-York, 8 april 2007) esis Usana skultisto, piktisto e desegnisto. Ilua verkaro asociesas kun diversa tendenci en la modern arto, quale arto konceptal e minimal.
LeWitt esis filiulo di Rusa-juda enmigrinti. Il sequis formaco pri arto en l'Universitato di Sirakuse ed en 1949 facis art-voyajo tra Europa por lernar pri l'anciena mastri En 1953 il translojis a Nova-York, ube il dum kurta fristo laboris kom nokto-gardisti en la Muzeo di Modern Arto. 25 yari plu tard il havis sua propra expozo de vidal arto, en la sam edifico. Il pasis yaro kom grafikisto en la kontoro di arkitekto I.M. Pei ube il lernis laborar tridimensionale. Ilua unesma expozo eventis en 1965 en la John Daniels Galerio en Nova-York. LeWitt, konocata kom modest artisto kun granda famo, lasis pri verkaro su-expresanta ed evitis la jurnalaro.