Sant-Johns
Saint John's | ||
![]() | ||
Centro di Saint John's, Antigua. | ||
Lando: | ![]() | |
Informo:
| ||
Latitudo: | 17°07'N | |
Longitudo: | 61°51'W | |
Altitudo: | 0 til 60 m | |
Surfaco: | 10 km² | |
Habitanti: | 22 219 (2011) | |
Denseso di habitantaro: | 2222 hab./km² | |
Horala zono: | UTC-4 | |
Urbestro: | Craig B. Whyte | |
Mapo:
| ||
![]() |

Sant-Johns (Angle: Saint John's) esas la chef-urbo e maxim populoza urbo di Antigua e Barbuda. Segun statistiki dil yaro 2011, ol havis 22 219 habitanti. Lua tota surfaco esas 10 km².
L'urbo esas la precipua komercala centro e la precipua portuo di la lando. Ol ank esas importanta financala centro en Karibiana regiono. Lua butiki e komercala centri atraktas diversa viziteri. L'internaciona aeroportuo Vere Cornwall Bird jacas ibe, ed anke portuo por krozonavi qui facas exkursi en la regiono.
Saint John's fondesis en 1632, dal Britaniani. En 1981, kun la nedependo di la lando, ol divenis lua chef-urbo.
Geografio
[redaktar | redaktar fonto]
La reliefo di Sant-Johns esas plana proxim lua portuo, ma cirkondata da kolini. Lua mezavalora altitudo esas 23 metri e lua maxim alta punto jacas 150 metri super la marala nivelo.
La klimato dil urbo esas tropikala humida (Af segun la klimatala klasifikuro da Köppen)[1]. Dum la tota yaro la klimato esas someratra, kun varmega dii e varma nokti, kun alta atmosferala humideso[1]. La mezavalora temperaturo en agosto (somero) esas 28,3°C, kontre ke la mezavalora temperaturo en februaro (vintro) esas 22,2°C[1].
La pluvoza sezono iras de la duesma duimo di agosto til l'unesma duimo di decembro. La mezavalora yarala pluvo-quanto esas 1049,2 mm, e la maxim pluvoza monato esas oktobro, kun mezavalore 142,2 mm.
Referi
[redaktar fonto]- ↑ 1,0 1,1 1,2 Yearly & Monthly weather - Saint Johns, Antigua and Barbuda - Publikigita da Weather Atlas. URL vidita ye 2ma di februaro 2025. Idiomo: Angla.