Antigua e Barbuda

De Wikipedio
Irez ad: pilotado, serchez
Antigua e Barbuda
Antigua and Barbuda
Flag of Antigua and Barbuda.svg Coat of arms of Antigua and Barbuda.svg
Flago di Antigua e Barbuda Blazono di Antigua e Barbuda
Nacionala himno:
Fair Antigua, We Salute Thee
LocationAntiguaAndBarbuda.png
Urbi:
Chefurbo: St Johns
· Habitanti: 23 342 (2008)
Precipua urbo: St Johns
Lingui:
Oficala lingui: Angliana
Guvernerio:
Tipi: Monarkio
· Rejino: Elizabeth la 2ma
· Generala-guberniestro: Rodney Williams
· Chefministro: Gaston Browne
Surfaco: (191ma granda)
· Totala: 442 km²
· Aquo: neglijebla %
Habitanti: (191ma granda)
· Totala: 86 754 (2010)
· Denseso di habitantaro: 194 hab./km²
Pluse informi:
Valuto: Dolaro di estal Karibia
Veho-latero: sinistre
ISO: AG
ATG
028
Reto-domeno: .ag*
Precipua religio: kristanismo
Oficala retosituo: http://www.ab.gov.ag


Antigua e Barbuda esas nedependanta stato ed insul-grupo en Karibia.

Bazala fakti pri Antigua e Barbuda.

Historio[redaktar | redaktar fonto]

Homi ja habitis Antigua e Barbuda cirkum 2400 aK. Pose, indijeni de rasi Arawak e Karib habitis ol. Insulo Antigua nomesis da Cristoforo Colombo en 1493 segun kirko en Sevilla, Hispania, Santa Maria la Antigua (Santo Maria l'Anciena). Pos l'arivo di Europani, indijeni komencis mortar pro variolo.

Antigua en 1823.

En 1632 Angli komencis okupar l'insuli. La sklaveso, establisita en 1684 por furnisar labor-povo a plantacaji di sukrokano, abolisesis en 1834, quankam la standi laborala restis mala til 1939, kande la sindikato Antigua Trade and Labour Union kreesis. La chefo di ta sindikato, Vere Cornwall Bird, pose fondis la partiso Antigua Labour Party - ALP. Pos ke Antigua e Barbuda divenis nedependanta ye la 1ma di novembro 1981 Vere Bird asumis kom chefministro, ma Elizabeth la 2ma duris esar la chefo di stato di la lando.

La partiso ALP vinkis elekti en 1984 ed en 1989. En 2004 Lester Bird, filiulo di Vere Bird, ganis l'elekti. Il duris en povo til 2004, kande lua opozanto Baldwin Spencer ganis l'elekti e divenis chefministro.

Politiko[redaktar | redaktar fonto]

La parlamento di Antigua e Barbuda.

Segun la konstituco adoptita ye la 31ma di oktobro 1981 Antigua e Barbuda esas konstitucala monarkio, membro di Commonwealth. Lua rejino (qua esas chefo di stato) esas Elizabeth la 2ma di Anglia, qua selektas la general-guberniestro, nune Rodney Williams. La chefo di guvernerio esas la chefministro, nune Gaston Browne.

La parlamento havas 2 chambri: la Senato, kun 17 membri, qui elektesas da la partisi ed indikesis da la generala-guberniestro; e la Chambro di Deputati, anke kun 17 membri qui elektesas dal populo por 5-yara periodo. Lua konstituco aprobesis ye la 31ma di julio 1981, ed efikeskis ye la 31ma di oktobro sam yaro.[1]

La judiciala povo esas nedependanta de l'exekutiva e de la legifala povi. La legaro e la jurisprudenco di la lando havas havas granda influo de la legaro e jurisprudenco Britaniana.

Geografio[redaktar | redaktar fonto]

Satelitala imajo pri Barbuda (sur l'imajo) ed Antigua.
Peizajo en English Harbour, Antigua.

Antigua e Barbuda esas parto di la Mikra Antili, kun Guadelupa (Franca teritorio) sude, Montserrat sud-weste, St Kitts-Nevis weste, e Saint Barth nord-weste. L'arkipelago konsistas ek kelka insuli. La precipua (segun la surfaco totala e quanto di habitanti) esas Antigua, kun 281 km². Barbuda jacas 48 norde de Antigua. La nehabitata insulo Redonda jacas 56 km sudweste de Antigua.

Lua litoro havas 153 km di extenso. Nula ek l'insuli havas importanta fluvii o lagi. La kultivebla agri reprezentas 18,18% de lua totala surfaco.

La maxim alta monto dil insuli esas Monto Obama, kun 399 metri di altitudo. Monto Obama ante nomizesis Boggy Peak. La nomo modifikesis en 4 di agosto 2009 memoriganta Barack Obama, Usana prezidanto. Nek Barbuda nek Redonda havas importanta monti.

La klimato dil insuli esas tropikala kun poka pluvi, kom konsequo de lua basa altitudi. La maxim pluvoza sezono eventas de septembro til novembro. De julio til oktobro on povas eventar uragani e tropikala tempesti. La mezavalora yarala temperaturo dil insuli esas 27°C.

Ekonomio[redaktar | redaktar fonto]

La plaji di Antigua esas importanta turistal atraktivi.
 Precipua artiklo: Ekonomio di Antigua e Barbuda

Turismo reprezentas cirkume 50% de la KLP di la lando. Financala sektoro anke esas importanta. Pri l'agrokultivo, la precipua produkturi esas sukrokano, kotono e frukti.

Demografio[redaktar | redaktar fonto]

On kalkulas ke en 2010 la totala habitantaro esis 86 754 personi, di qui la maxim multa (91%) havas Afrikala acendenti, e 1,7% esas blanki.

Kulturo[redaktar | redaktar fonto]

Cirkume 90% de la habitantaro savas lektar e skribar. La lando havas du universitati, American University of Antigua (AUA) e University of Health Sciences Antigua (UHSA).

Cetera aferi[redaktar | redaktar fonto]


Stati e teritorii en Karibiana Maro
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin Insuli Britaniana | Guadelupa | Insuli Kaiman | Kuracao | Martinik | Montserrat | Navassa | Porto-Riko | Sant Maarten | Insuli Turks e Kaikos | Virgin Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius
  1. Antigua and Barbuda: Constitution, 1981. URL vidita ye la 7ma di agosto 2014.