Cristoforo Colombo

De Wikipedio
Irez ad: pilotado, serchez
Cristoforo Colombo
Cristoforo Colombo
Profesiono: navigisto
Lando: Flag of Italy.svg Italia
Nasko-dio: 8 di januaro 1451
Nasko-loko: Genova Italia
Morto-dio: 20 di mayo 1506
Morto-loko: Valladolid Hispania

Cristoforo Colombo (1451 til 1506) esis Italiana navigisto e la duesma deskovristo di Amerika (ma l' unesma Leifr Eiríksson ne indikas ulo en Europa).

Lia nomo Cristoforo Colombo en Italiana, esas Cristóbal Colón en Hispaniana.

Depos 1485 il esforcis obtenar pekuniala moyeni por la projeto, por trovar nova voyo ad Azia, fine ganante konkordo kun Ferdinand 2ma di Aragon e spozino Isabella 1ma di Kastilia. Ye 3 di agosto 1492 la expediciono komencis: tri navi departis de Hispania: Santa Maria esis 36 m de longeso e 200 tuni de graveso, e havis 30 navani; la altra du navi esis Pinta e Niña.

Ye 12 di oktobro li deskovris insulo di nuntempa Bahama, e renkontris la indijeni, qui esis pacoza. Ye 28 di oktobro li atingis la nord-esta di nuntempa Kuba, e li exploris la marbordo. Li exploris la norda marbordo di Hispaniola en januaro 1493, ube li renkontris enemikala indijeni, e du homi di Colombo esis ocidata.

Pose li komencis retrovoyajo a Hispania, ed arivis ye 15 di marto 1493. Colombo durante kredis ke il deskovris regiono di Azia.