Steve Fossett

De Wikipedio
Steve Fossett

Steve Fossett (n. ye la 22ma di aprilo 1944, m. c. la 3ma di septembro 2007) esis Usana komercisto ed aventurero.

Ye la 21ma di februaro 1995, voyajante per balono plena de helio, nomizita Pacific Peregrine, il atingis tero ye Leader en Saskatchewan, Kanada, ye fino di la unesma sola voyajo trans la Pacifiko per balono. Il departabis ye la 18ma di februaro de la Olimpiala stadio en Seoul, Sud-Korea. La voyajo duris dum quar dii, sis hori e 15 minuti, e la maxima alteso esis 8100 m.

Ye la 2ma di julio 2002, ilu kompletigis l'unesma sola voyajo cirkum la mondo per balono. La voyajo komencis ye Northam, West-Australia ye la 19ma di junio 2002; la disto esis 33.195 km.

Il desaparis dum sola aeroplano-voyajo super dezerto en Nevada en septembro 2007; la loko di ilua aplastita aeroplano esis trovata en oktobro 2008.