Stretajo di Hormuz

La stretajo di Hormuz (Perse تنگه هرمز Tangeh-ye Hormoz) esas stretajo qua ligas la gulfo di Oman a la Persiana Gulfo, inter Iran e l'Unionita Araba Emirii. Ol esas longa de 167 kilometri e larja de nur 39 kilometri an lua maxim streta punto.^[1] Ol nomizesis segun Iranana insulo Hormuz.

Cirkume 1/3 ek tota naturala gaso e 25% ek tota petrolo konsumata en la mondo trairas la stretajo. Pro to, ol esas un ek la maxim importanta strategiala punti por internaciona komerco de la mondo.^[1]

En mapo pri Otoman imperio publikigita en 1606 da Jodocus Hondius, la stretajo nomizesis Basora fretum (stretajo di Basra).

Strategiala poziciono

Oleo de landi quale Iran, Irak, Kuwayt e Saudi-Arabia transportesas tra la stretajo di Hormuz. La 18ma di decembro 1997 Iran deklaris ke Iran suportas la libera tra-iro ma ke Iran havas la yuro barar la stretajo se Iran minacesas^[2].

Baro di la stretajo di Hormuz havas granda konsequantaji por la livro di petrolo a la mondo. Existas tubi a la Reda Maro e la Mediteraneo, ma oli ne havas suficanta kapaceso.

Incidenti

2019 junio du cisterno-navi atakesis proxim la stretajo. Un bruleskis. La navanaro di la Kokuka Courageous e Front Altair esis salvita dal Iranana salvo-navi^[3].
2019 quar cisterno-navi atakesis avan la mar-bordo di UAE. Usa kulpigis Iran, qua negis.
2019 julio Britaniana cisterno-navo konfiskesis da Iran. Lo semblis venjo di Iran pro katenagar Iranana cisterno-navo da Britaniani che Gibraltar
2026 28ma di februaro-19ma di marto esis 21 incidenti de navi atakita.

Stretajo barita 2026

En la printempo di 2026 Iran baris la stretajo di Hormuz kom reakto ye atako di la rejimo di Iran da Trump. La baro duktis a mondovasta energio-krizo.

Referi

1 2 The Strait of Hormuz is the world's most important oil transit chokepoint - Publikigita da U.S. Energy Information Administration. Dato di publikigo: 4ma di januaro 2012. Idiomo: Angla.
↑ https://www.eia.gov/todayinenergy/detail.php?id=65504
↑ 2 oil tankers were damaged in possible attacks in the Gulf of Oman Publikigita da Vox. Dato di publikigo: 13ma di junio 2019.

[eia-20120104-1] 1 2 The Strait of Hormuz is the world's most important oil transit chokepoint - Publikigita da U.S. Energy Information Administration. Dato di publikigo: 4ma di januaro 2012. Idiomo: Angla.

[2] ttps://www.eia.gov/todayinenergy/detail.php?id=65504

[3] 2 oil tankers were damaged in possible attacks in the Gulf of Oman Publikigita da Vox. Dato di publikigo: 13ma di junio 2019.

[1]

[2]

[3]