Sugar Land, Texas

De Wikipedio
Salti al navigilo Irez a serchilo
Sugar Land, Texas
Sugarland Town Square.jpg
Urbo-placo di Sugar Land.
Lando: Flag of the United States.svg Usa
Stato: Texas
Informo:
Latitudo: 29°35'58"N
Longitudo: 95°36'51"W
Altitudo: 30 m
Surfaco: 88,1 km²
Habitanti: 78 817 (2010)
Horala zono: UTC-6
(UTC -5 dum la somero)
Urbestro: Allen Bogard
Mapo:
Mapo di Sugar Land, Texas

Sugar Land esas urbo en la usana stato Texas. La urbo jacas en la metropolala areo Houston-The Woodlands-Sugar Land e la komtio Fort Bend.

Ol esas un ek la maxim richa e rapide-kreskanta urbi en Texas, kreskinta plu kam 158 procento inter 2000 e 2010. Dum la periodo 2000-2007, Sugar Land anke experiencis employeso-kresko ye 46,24%. Lor la popul-konto di 2010, la habitantaro dil urbo esis 78.817. En 2015 la habitantaro atingabis evaluita 88.156. Fondita kom sukro-plantacerio dum la frua-meza 20ma yarcento e municipigita en 1959, Sugar Land esas la maxim granda urbo ed ekonomiala centro dil komtio Fort Bend.

Sugar Land esas la hemo dil chefkontoro di Imperial Sugar, e la precipua sukro-rafinerio e -distributocentro dil kompanio esis olim situita en la urbo. Agnoskante ica heredajo, la krono-simbolo di Imperial Sugar inkluzesas en la urbo-sigluro.

Sukro-rafinerio en Sugar Land, TX

La radiki di Sugar Land esas la originala Mexikiana land-granto a Stephen F. Austin. Un ek la unesma koloniisti di la lando, Samuel M. Williams, nomizis ol "Oakland Plantation" pro la diversa speci de querki ibe. La fratulo di Williams, Nathaniel, kompris la lando en 1838. Li jeris la plantacerio por kultivar kotono, maizo e sukrokano. Dum ica frua yari, la nuna Sugar Land esis la centro di sociala vivo alonge la rivero Brazos. En 1853, Benjamin Terry e William J. Kyle kompris Oakland Plantation de la Williams-familio. Terry konocesas pro organizir Terry's Texas Rangers dum la Intercivitana Milito e pro nomizir la urbo. Lor la morti di Terry e Kyle, Kolonelo E. H. Cunningham kompris la plantacerio de 5.100 hektari pos la Intercivitana Milito, e developis la urbo cirkum sua sukro-rafinerio en 1879.