Traktoro

De Wikipedio
Jump to navigation Jump to search
Moderna traktoro uzata en farmeyi.
Traktoro kun haui, por civila konstrukturo.

Traktoro esas vehilo automovanta uzata por tranar o shovar remorki, barki, agrokultivala implementi (exemple plugili), ed altra granda o pezoza objekti. Lua roti provizesas per organi por igar lu adherar a la sulo, mem tre inklinita. En kelka modeli, la roti interrelatas per bendo metala quaze-tapisa qua, lor la funciono, aspektas quale raupo movanta, o lua roti esas angulopecoza. Traktori anke havas juntosistemo di falchomashini.

L'origino di la vorto "traktoro" esas Latina vorto trahere ("tirar, arachar"). Ordinare, traktori havas basa rapideso, e li uzesas en farmeyi od en konstrukti (di stradi, edifici, e.c.). Existas anke traktori kun haui, por exkavar la sulo en konstrukteyi.

Commons
Commons havas kontenajo relatante a:

L'unesma traktori aparis dum la 19ma yarcento ed uzis vaporomashini por furnisar traciono. Ica vehili uzesis por tirar plugili en farmeyi od exkavar drena kanali. En 1892, John Froelich inventis l'unesma traktoro qua uzis motoro movita per gazolino en Iowa, Usa. Britaniano Dan Albone obtenis komercala suceso kun lua traktoro movita per gazolino-motoro en 1901. En 1926 Harry Ferguson inventis la sistemo di akrocho di 3 extremaji, qua permisas kuplar diversa agrokultivala implementi od altra mashini o vehili ad ula traktoro.

Wikipedio
Wikivortaro explikas
ca rubriko
en altra lingui: Traktoro