Vestfirðir

De Wikipedio
Vestfirðir

La Vestfirðir (angle: Westfjords) esas granda peninsulo en nordwesta Islando, ed anke administrala distrikto.

Ol jacas an la Stretajo di Dania, regardanta vers la estala marbordo di Grenlando.  Ol esas konektata a cetera Islando per 7 km-larja istmo inter Gilsfjörður e Bitrufjörður

La Vestfirðir esas tre montoza; la litoro esas dense nochizita da dozeni de fyordi cirkondata da eskarpa kolini.  Ta nochi igas stradi tre cirkumirala e komuniki per tero desfacila.  Pluse multa stradi esas klozita da glacionivo dum plura monati di la yaro.  La Vestfjarðagöng-tunelo depos 1996 plubonigis ta situeso.

La klifi ye Látrabjarg esas la maxim longa ucelo-klifo en la norda Atlantika Oceano e jacas ye la maxim westala loko en Islando.  La Drangajökull-glaciero situesas en la nordo di la peninsulo ed esas la kinesma maxim granda en Islando, ma la unika glaciero di la regiono.

Habitantaro[redaktar | redaktar fonto]

La manko de plana basalandi en l'areo limitizas la posibleso di agrokultivo, quo esas grandaparte nur bas-intensesa mutono-pasturo proxim la fyordi.  Bona naturala portui en multa fyordi, e lia proximeso a pesko-arei esas importanta por la lokal ekonomio.  La Vestfirðir esas tre skarse habitata: la tota habitantaro en 2007 esis 7380.  La distrikto-chefurbo e maxim granda habiteyo esas Ísafjörður (habitantaro c. 4000).

Loko di Vestfirðir en Islando

La precipua habiteyi en Vestfirðir esas: Reykhólar, Bolungarvík, Brjánslækur, Ísafjörður

Tálknafjörður, Flateyri, Suðureyri, Hnífsdalur, Súðavík, Bíldudalur, Þingeyri

Patreksfjörður, Skálanes, Hólmavík, Drangsnes

Klimato[redaktar | redaktar fonto]

Vestfirðir esas generale la maxim kolda areo ye maro-nivelo en Islando, pro la Aerofluo di Est-Grenlando.