Vostok 6
Vostok 6 esis spaconavo di Sovietia. Ol portis la unesma homino en spaco, Valentina Tereshkova.
Ol lansesis ye la 16ma di junio 1963 de kosmodromo Baikonur. Precipua skopo esis manovro kun altra spaco-navo; ol venis proxim Vostok 5, qua lansesabis kelka dii antee portante kolonelo Valeri Bikovski, e la du navi establisis radio-ligo. Dum la flugo, Valentina Tereshkova havis radio-konverso kun la chefa ministro di Sovietia, Nikita Hrushchyov. Vostok 6 cirkumiris la tero 48-foye, e retrovenis a Tero ye la 19ma di junio. Lo esis la lasta flugo di spaco-navo tipo Vostok 3KA; la unesma flugo di tala navo portabis Yuri Gagarin.