Yma Súmac

De Wikipedio

Yma Súmac, pseudonimo di Zoila Augusta Emperatriz Chavarri del Castillo (Ichocán, 13ma di septembro 1922 - Los Angeles, 1ma di novembro 2008), fameskis kom Peruana kantisto dum la yari kinadek kom interpretinto di exotika muziko. El fameskis precipue pro elua voc-atingebleso, qua kontis quar oktavi.

Yma Sumac en Italia

Vivo[redaktar | redaktar fonto]

La persono Yma Súmac (elua nomo anke espelesas Ymma Sumak, o Imma Sumack) esas kovrit en nebulo. Tale esis dum longa periodo necerteso pri elua nomo, nasko-dato e nask-urbo. Pos elua morto klareskis pro la nasko-dokumento ke Yma Súmac naskis ye la 13ma di septembro 1922 en Ichocan (Ichokan), distrikto en Peru. Altra dati mencionit en diferanta biografii varias de 1921 til 1929. Existas rumori ke Yma Sumac ne esis Peruana, ma Usana, naskinta en Brooklyn, kun nomo Amy Camus (literi inversa de Yma Sumac), qui ja senmaskesis kom esante fablo en la yari kinadek. Elua nomo di artisto esas derivita de ta di elua matro: Ima Shumaq, Quechuana por "Quale bela".