Los Angeles

De Wikipedio
Jump to navigation Jump to search
Los Angeles
New LA Infobox Pic Montage 5.jpg
Kelk imaji pri Los Angeles.
Flag of Los Angeles, California.svg Coat of arms of Los Angeles.svg
Flago di Los Angeles Blazono di Los Angeles
Lando: Flag of the United States.svg Usa
Stato: Kalifornia
Informo:
Latitudo: 34°03' N
Longitudo: 118°15' W
Altitudo: 71 m
Surfaco: 1302,76 km²
Habitanti: 3 976 322 (2016)
Denseso di habitantaro: 800 hab./km²
Disto de Sacramento: 617,99[1] km
Horala zono: UTC-8
(UTC -7 dum la somero)
Urbestro: Eric Garcetti (D)
Mapo:
Mapo di Los Angeles
Oficala retosituo:
www.lacity.org
Edifici en Los Angeles, Kalifornia.

Los Angeles esas la maxim populizita urbo dil Usana stato Kalifornia. Segun statistiki de 2016, ol havis 3 976 322 habitanti. Entote ol havas 1302,76 km². Lua metropolala regiono, kune Long Beach, Santa Ana ed altra urbi jacas inter la maxim populizita del mondo: segun statistiki de 2014, ol havis 18 550 288 habitanti.

Ol esas blokala urbo kun mondala influo pri aferi, komerco, cinemo ed amuzo, kulturo, komuniko, eduko, medicino e ciencala inquesto. Tri ek la maxim importanta universitati publika de Usa - l'Universitato di Kalifornia, Los Angeles (abreviuro en l'Angla: UCLA), l'universitato California State University, Northridge (CSUN), e l'universitato California State University, Los Angeles (CSULA) - jacas interne la limiti del urbo. La quartero Hollywood, konocita kom "la Meka dil cinemo" esas parto del urbo.

Los Angeles esis eventeyo dufoye por Somerala Olimpiala Ludi: en 1932 ed en 1984. Ed itere esos l'eventeyo por l'Olimpiala Ludi di 2028.

Geografio[redaktar | redaktar fonto]

Los Angeles, kun l'atmosferala poluto videbla en la horizonto.

La reliefo di Los Angeles esas precipue plana, kun kelka kolini, ed okupita precipue per basa edifici. Cieloskraperi esas rara, tamen existas multa edifici kun plua kam 30 etaji, di qui 14 havas plua kam 50 etaji e nur du havas plua kam 70 etaji. La maxim alta punto jacas metri super la marala nivelo.

La klimato dil urbo esas Mediteranea (Csb an la litoro e Csa mar-fora, segun la klimatala klasifikuro di Köppen). La mezavalora temperaturo en agosto (somero) esas 23,5°C, dum ke la mezavalora temperaturo en decembro (vintro) esas 8,6°C. An la litoro, la temperaturi superiras 32°C dum kelka dii dil yaro. Konjelanta temperaturi esas extreme rara che la urbo: la lasta foyo en ke la temperaturo atingis 0°C esis januaro 1979.

La mezavalora yarala pluvozeso esas 379,2 mm, e la maxim pluvoza monato esas februaro, kun mezavalore 96,5 mm. La sika sezono (note de mayo til septembro) augmentas multe la riski di incendii. Dum ta epoko, la manko di venti e pluvi augmentas l'aerala poluto super la urbo.

Referi[redaktar | redaktar fonto]

  1. Distance between Sacramento, CA and Los Angeles, CA. URL vidita ye la 29ma di mayo 2018.