Yogyakarta
| Yogyakarta | ||
 | ||
| Kelk imaji pri Yogyakarta. | ||
 |
 | |
| Standardo | Blazono | |
| Lando: |  Indonezia | |
| Regiono: | Java | |
Informo: | ||
| Latitudo: | 7°48'5"S | |
| Longitudo: | 110°21'52"E | |
| Altitudo: | 113 m | |
| Surfaco: | 32,82 km² | |
| Habitanti: | 375 699 (2023) | |
| Denseso di habitantaro: | 11 000 hab./km² | |
| Disto de Jakarta: | 510,3[1] km | |
| Horala zono: | UTC+7 | |
| Urbestro: | Hasto Wardoyo (PDI-P) | |
Mapo: | ||
 | ||
 • Yogyakarta | ||
Oficala retosituo: | ||
| http://www.jogjakota.go.id/ | ||
Yogyakarta (anke Jogjakarta o Jogja; Java-ana: Ngayogyakarta) esas la chefurbo dil Specala Regiono Yogyakarta en Indonezia, sur la insulo Java. Segun statistiki de 2023, ol havis 375 699 habitanti. Lua tota surfaco esas 32,82 km². Lua metropolala regiono havis 2 159,1 km² e 4 010 436 habitanti ye la sam yaro.
Yogyakarta nomizesas pro la indiana urbo Ayodhya, la naskeyo dil heroo Rama dil epikajo Ramayana. Yogya signifikas "apta", e karta "prosperoza, florifanta" - tale, "urbo qua esas apta prosperar". Ol esas la chefurbo dil Sultanio Yogyakarta e servis kom la chefurbo di Indonezia de 1946 til 1948 dum la Indoneziana Nacionala Revoluciono, kun Gedung Agung kom la prezidantala sideyo. Un ek la distrikti en sudesta Yogyakarta, Kotagede, esis chefurbo dil sultanio Mataram inter 1587 e 1613.
Yogyakarta egardesas kom importanta centro por klasika Java-ana arti e kulturo quala baleto, texuri batik, dramato, literaturo, muziko, poezio, arjento-forjo, vidala arti, e la marioneti wayang. Famoza kom centro edukala, Yogyakarta esas la hemo di granda studento-populo e dozeni de skoli ed universitati, inkluze Universitato Gadjah Mada, la maxim granda universitato ed un ek la maxim prestijoza en la lando
Yogyakarta egardesas kom "developita" urbo. Projeto por duesma fazo dil alta-rapidesa treno nun developesas de Bandung a Yogyakarta e Surakarta.