Amendo di Bricker

De Wikipedio
Irez ad: pilotado, serchez
Senatano John W. Bricker, la proponinto de amendo por limitizar la "autoritato traktatifa" dil Usala guvernerio.

Amendo di Bricker es la kolektiva nomo di serio di proponita chanji a Usana Konstituco, quin konsideris la Senato Usana dum 1950 yardeko. Ta chanji limitizus la extenso e ratifiko di traktati e exekutiva konkordi quin Usa facus. Oli nomesis segun John W. Bricker de Ohio, Usana konservativa Republikano, qua proponis oli.

Izolismo, l'opiniono ke Usa devas ne partoprenar en altralandala konflikti e mondala politiko, sempre esis elemento de Usala politiko ma ol esis speciale forta dum la yari pos Unesma mondomilito. Usala partopreno en Duesma mondomilito silentigis izolisma opinioni ma oli revenis dum la yari posmilita kom respondo a nova internacionala rolo di Usa, speciale a nova Unionita Nacioni ed olua filiala internacionala organizi. Kelki timis la perdo di Usala suvereneso a ta organizi transnacionala, pro la rolo di Sovietia en la propago di internacionala komunismo e Kolda milito.