Deskovro di Amerika
La frazo deskovro di Amerika uzesas relate l'arivo di Cristoforo Colombo ye la 12ma di oktobro 1492 al insulo "Guanahani", posible en la nuna Bahama, od en Karibiana Maro, komencinte Europana koloniigo di la kontinento. Ye la sequanta yaro Colombo kreis l'unesma kolonieto Hispana, "La Isabela", en la nuna Dominikana Republiko. En 1496 fondesis "Santo Domingo de Guzmán", la nuna Santo Domingo, e gradope La Isabela abandonesis.
Poka yari pos l'unesma voyajo da Colombo, altra exploristi konstatis ke la regiono ne apartenis ad Azia, ma fakte esis altra kontinento. Depos 1507 ca kontinento nominesis Amerika.
Tamen, multa yari ante l'unesma voyajo di Colombo, vikingi arivis an l'insulo Terranova. Li kreis kolonieto ibe, ma abandonis ol cirkume 10 yari pose, sen reperkuto.
 |
Ta artiklo esas klada. Se tu konocas la temo dil artiklo, tu povas helpar ni plugrandiganta ol. |