Don Quijote
| L'injenioza kavaliro Don Quijote di La Mancha | ||||||||
|---|---|---|---|---|---|---|---|---|
|
|
||||||||
|
.jpg)
L'injenioza kavaliro Don Quijote di La Mancha (hispane El ingenioso hidalgo don Quijote de la Mancha, Quixote segun Cervantes-tempa ortografio) esas romano di Hispan autoro Miguel de Cervantes. Ol esas generale konsiderata kam l'unesma romano e precipua hispanlingua verko. Origine skribita en Hispaniana linguo, la rakonto esas tradukita en multa lingui.
La romano efektive konsistas ek du parti: l'unesma aperis en 1605 e la duesma en 1615 (unu yaro ante la morto di l'autoro). Inter l'unesma e la duesma parti, editigis falsa rakonto di plagiatisto di Cervantes Alonso Fernández de Avellaneda. Pro to, la duesma parto enhavas plura aludi a la plagiatisto, e finigas kun la morto di Don Quijote (por ke nulu trompanto riuzus la persono di Cervantes).
Cervantes dicas, ke la komenca chapitri li prenis ek "kroniki di La Mancha", e la cetera esis tradukita da morisko ek araba da Cide Hamete Benengeli. To ed altra rimedi parodias la kavalari jenro, lore obsoleta.
L'intrigo koncernas la voyaji ed aventuri di Don Quijote e Sancho Panza. Don Quijote esas ordinara hispano (hidalgo, la maxim desalta rango di Hispanana nobelaro), qua obsedas fantasto di migranta kavaliri . Ilia familio ed amiki opinias, ke li esas freneza, kande li decidas esar migranta kavaliro e vagar tra Hispania chevale, kavalkanta lia chevalacho Rosinante [rosinante], e protektanta la premati.
Don Quijote esas okulvideble freneza segun la maxim parto di populo. Il kredas, ke ordinara gasteji esas sorcita kasteli, e lia rurarino esas bela princini. Il konfuzas ventomueleyi kun insistanta gigante sendita da mala sorcisti. Il imagas, ke vicina kamparanino Aldonza Lorenzo esas Dulcinea del Toboso [dulsinea del toboso], princino a qua li promesis amo, servo e fideleso.
 |
En vilajo di La Mancha, di quo nomo me ne volas memora, nelonga tempo antee vivis hidalgo ek ti kun lanco en rako, antiqua shildo, ostala chevalacho e rapida levriero. Stufajo pli ofte bova ol mutona en la mateni, haketita viando kun salo preske en onma nokto, grivi e fritita ovi sabate, lenti vendrede, e plie kolombido dimanche prenis tri quaroni di lia revenuo. L'altra quaroni konsumis velura sajo, plusa kuloto e pantofli por la festala dii, dum en la cetero dil semano li kontentigis portante delikata lanaji. |  |
