Everglades

De Wikipedio
Irez ad: pilotado, serchez
Sudo di Florida kun la regiono di Everglades.

Everglades esas naturala regiono di subtropikala marshi en sudo di Usana stato di Florida. La regiono komencas proxim l'urbo di Orlando, Florida apud la rivi di Kissimmee fluvio, qua descharjas aden lago Okeechobee. L'aqui ke fluas de lago dum pluvoza sezono formacas lenta fluvio, 97 km larja e 160 km longa, qua fluas til Florida bayo en sudo dil stato. Everglades sufras inundadi dum pluvoza sezoni, e fairi dum sika sezoni.

Klimato[redaktar | edit source]

La klimato di la regiono esas subtropikala, ed yaral averajala temperaturo varias de 16ºC til 27ºC. Dum somero temperaturi generale superigas 32ºC. De aprilo til fino di oktobro okuras pluvoza sezono, qua koncentras 75% di yarala pluvi. Nur 25% di yarala pluvi falas de novembro til marto.

Historio[redaktar | edit source]

Homi ja habitis sudo di Florida cirkum 15,000 yari ante nun. Du precipua tribui vivis en la regiono: Kalusa e Tequesta. Pos kontakto kun Hispaniani en fino di 16ma yarcento la du tribui graduale desaparis. Seminole indijeni, tribuo qua asimilis altra tribui, movis vers la regiono en fino di 19ma yarcento, sub preso di Usana militisti pos Duesma Seminole Milito.