Hispaniana konstituco di 1812

De Wikipedio
Irez ad: pilotado, serchez
Edituro di la konstituco di 1812.

Hispaniana konstituco di 1812 esis promulgita ye 19 di marto 1812 da Korti di Cádiz, la naciona legifanta tribunalo (Cortes Generales) di Hispania. Ica konstituco esis l'unesma di Hispania, donita, nam l'edituro en 1808 sub Joseph Bonaparte nulatempe esis metita en praktiko. La Konstituco di 1812 establis la guidili di universala votoyuro, naciona suvereneso, konstitucala monarkio, gazetara libereso, ed apogis agrala reformo e liberala entreprenado.

La konstituco, un di maxim liberala di lua tempo, esis aboliciita da Fernando 7ma ye lua reveno a Hispania 24 di marto 1814, ma esis restarigita dum Liberala yartrio di 1820-1823, e denove nelonge en 1836 e 1837 kande la progresemuli? preparis la konstituco di 1837. De 1812 til 1814, la konstituco nulatempe esis vere plene uzita. Konsiderinda parto di Hispania esis guvernata da franciani, dum la resto esis en la mani di provizora registari koncentrita pri la rezisto a Bonaparte prefere kam l'establiso de konstitucala rejimo, e la transoceana havaji travivis la kaoso di povovakuo.

La hispaniani surnomis la konstituco La Pepa char ol esis adoptita en la dio di Santa Jozefo.