Hugenoti

De Wikipedio
Irez ad: pilotado, serchez
Hugenota kruco, uzita inter la 17ma e 18ma yarcenti, hodie esas l'emblemo dil Reformita Eklezio di Francia.

En Francia, pos la revoko en 1685 dil Edikto di Nantes di 1598, Hugenoti ne darfis praktikar sua religiono; multi fugis a Nederlando.

Hugenoti en Afrika[redaktar | edit source]

Ye 13 di aprilo 1688 unesma grupo de Hugenoti arivis a Sud-Afrika de Europa, per la navo Voorschoten. Ca voyajo aranjesis da la Vereenigde Oost-Indische Compagnie (VOC) di Nederlando. La VOC, havante interesi en multa loki en la mondo inkluzanta sud Afrika, volis trovar voluntanti por adjuntesar a la farmisti ye la Kabo di Bon Espero. De aprilo 1688 til januaro 1689, plura navi di la VOC portis Hugenoti a la Kabo. Tale cirkume 175 Hugenoti establisis su, kom parto di la oficala koloniizado di la VOC en ca regiono. Farmo-tereni esis donata a li, dispersita inter la Nederlandana farmeyi.