Nikolai Przewalski
De Wikipedio
| Nikolai Mihailovich Przewalski | |||
|---|---|---|---|
 |
|||
| Profesiono: | geografiisto ed explorero | ||
| Lando: |  Rusiana Imperio |
||
| Nask-dio: | 12 di aprilo 1839 | ||
| Nask-loko: | Smolensk, Rusiana Imperio | ||
| Mort-dio: | 1 di novembro 1888 | ||
| Mort-urbo: | Karakol, Rusiana Imperio (nune Kirgizistan) |
||
Nikolai Mihailovich Przewalski (1839 til 1888) esis Rusa geografiisto ed explorero.
[redaktar] Biografio
Naskinta en Smolensk en Polona familio (l'origino di familio-nomo Przewalski esas Poloniana) il studiis en la militarala akademio di St Peterburg. Ye 1864 il divenis profesoro di geografio en Warszawa.
Ye 1867 il iris a Siberia explorar un enfluanto di Amur fluvio. Dum sequanta yari, il facis 4 voyaji a Centr-Azia:
- de 1870 til 1873 de Kiaktha il krucumis Gobi dezerto til Beijing, e pos exploris Yangcekiang ed ye 1872 il atingis Tibet. Il exploris cirkum 18.000 km² e kolektis 5.000 speci di planti, 1.000 speci di uceli e 3.000 speci di insekti.
- de 1876 til 1877 il voyajis de est-Turkestan til Tian Shan montaro.
- de 1879 til 1880 il nove krucumis Tien Shan montaro, ed atemptis atingar Tibet, nesucesoze.
- de 1883 til 1885 il ekiris de Kiatkha tra Gobi dezerto til esta Tian Shan montaro.
Przewalki mortis viktimigita da tifo pos komencar lia 5ma voyajo. Kom rezulto di lia verko, granda parto di Centr-Azia divenis konocita e studiita. La sovaja kavalo di Przewalski de la stepo recevis ta nomo en lia homajo.
