Premio Edison
La Premio Edison esas Nederlandana premio por 'sonieri di bona qualeso', qua depos 1960 yarale donesas a muzikisti en la kategorii pop-muziko, klasika muziko e Jazo.
La premio nomesas segun l'inventinto di la fonografilo, Thomas Edison. La premio ipsa esas statueto bronza dal Utrechtana skultisto Pieter d'Hont.
La premio esas komparebla a la Deutschen Schallplattenpreis (Germana Premio di Diski), la Britaniana Brit Award (Brit Premio), la Franca Grand Prix du Disque (Granda Premio di Disko) o la (premio) Grammy en Usa.