Stanislao Konarski

De Wikipedio
Irez ad: pilotado, serchez
Stanislao Konarski
Stanislao Konarski
Profesiono: autoro, docisto
Lando: Flag of Poland.svg Polonia
Nasko-dio: 30 di Septembro 1700
Nasko-loko: Żarczyce
Morto-dio: 3 di Agosto 1773
Morto-loko: Warszawa

Stanislao Konarski (en Poloniana: Stanisław Konarski; ilua vera nomo esis Hieronim Franciszek Konarski) 1700 til 1773, esis Poloniana docisto ed autoro. Ilu amelioris instrukto; ilu skribis politikala libri, poemi, e teatraji. Ilu esis monako - membro di l'ordeno di Piaristi; ilu adportis l'Ilumino en Polonia.

Medalio di 1765 kun la portreto di Stanislao Konarski. Yen skribita en Latina: Sapere auso

.

Inter 1725 e 1727 Konarski studis an la Collegium Nazarenum en Roma, ube ilu divenis docisto di retoriko - l'arto di bona diciono. Dop ico, por ke ameliorar ilua propra konoceso, ilu voyajis tra Francia, Germania e Austria. En 1730 ilu retroiris a Polonia e komencis laborar an nova texto di Poloniana lego (Volumina legum).

De 1736 Konarski docis an la Collegium Resoviense en Rzeszów e en 1740 ilu startis la Collegium Nobilium en Warszawa, skolo por filii dil nobeli (szlachta). Pose, ilu amelioris instrukto di Piaristi en Polonia, en metodo qua konkordas kun ilua propra programo di instrukto (Ordinationes Visitationis Apostolicae..., 1755). Ilua ameliori divenis importanta punto en la kombato di 18a yarcento por ke modernigar la system di Poloniana instrukto.

En la komenco, Konarski esis juntata politikale kun Rejo Stanislao Leszczynski; pose, ilu adiris la "Familio" di Czartoryski e Rejo Stanislao Agosto Poniatowski. Ilu partoprenis en la notora "dinei jovdia". Stanislao Agosto Poniatowski komandis facar medalio en la honoro di Konarski, kun ilua portreto. Yen skribita en Latina: Sapere auso ("Qua esis brava por ke esar saja").