Al Manamah
| Al Manamah | ||
| ||
| Moderna edifici en Al Manamah. | ||
| Lando: |  Bahrain
| |
Informo:
| ||
| Latitudo: | 26°13' N | |
| Longitudo: | 50°35' E | |
| Surfaco: | 27 km² | |
| Habitanti: | 157 474 (2010) | |
| Denseso di habitantaro: | 5200 hab./km² | |
| Horala zono: | UTC+3 | |
| Urbestro: | Hamad bin Isa Al Khalifa | |
 • Al Manamah | ||
_(5932551897).jpg)
Al Manamah esas la chef-urbo e maxim populoza urbo di Bahrain. Segun statistiki de 2010, ol havis 157 474 habitanti. Lua tota surfaco esas 27 km².
De longa tempo, ol esabas importanta portuo che la Persiana gulfo e havas diversa habitantaro. Pos epoki en ke ol kontrolesis dal Portugalani e pose dal Persiani, Bahrain fine establisis su kom nedependanta naciono dum la 19ma yarcento, sub Britaniana hegemonio.
Malgre ke la jemela urbi Al Manamah e Muharraq semblis fondesir samatempe dum la yari 1800ma, Muharraq konsideresis plu importanta pro lua strategiala lokizo e fortifikesis, esinte la chef-urbo dil rejio til 1921. Altralatere, Al Manamah divenis la "komercala chef-urbo", e pose anke la politikala chef-urbo.
Al Manamah havas multa universitati publika e privata, exemple l'universitato Ahlia, l'Universitato pri Aplikata Cienci, l'Universitato dil Gulfo di Arabia, edc. L'urbo selektesis la Chef-urbo dil Araba Kulturo en 2012, dal Araba Ligo.
Historio
[redaktar | redaktar fonto]Existas atesti pri homala habitado en la litoro di Bahrain dum la Bronz-epoko. La civilizuro Dilmun habitis la regiono cirkume 3000 yari aK, ed esis tradicionala komerco-punto inter Mezopotamia, Magan, e la civilizuro dil Indus-valo. Cirkume 100 mil tumuli de la civilizuro Dilmun deskovresis en tota Bahrain.
En 1521, Portugalani konquestis l'urbo, qui antee okupis Hormuz. Li konstruktis la fuorto di Bahrain, fore Al Manamah.
Geografio
[redaktar | redaktar fonto]
Quale altra regioni de Bahrain, la reliefo di Al Manamah esas plana, kun poka varii dil altitudo. La klimato dil urbo esas arida (BWh segun la klimatala klasifikuro da Köppen) kun extrema varii en la temperaturi, qui povas superirar 45°C dum la somero e falar til 7°C, e mem eventar greluno dum la vintro. Ne existas fluvii o riveri trairanta la urbo.
La mezavalora yarala pluvo-quanto esas 70,8 mm, e la maxim pluvoza monato esas februaro, kun mezavalore 16 mm. De junio til septembro (somero) falas nula pluvo. La maxim agreabla sezono en Bahrain esas autuno, kande existas varma temperaturi e dolca brizo.