Arida klimato

De Wikipedio
Jump to navigation Jump to search
Regioni kun arida klimati:

██ BWh

██ BWk

Arida klimato o klimato di dezerto (BWh o Bwk, segun la klimatala klasifikuro da Köppen) esas klimato ube la pluvo-quanto esas skarsa - ol mem povas ne falar dum kelka yari - e la vejetantaro esas nula o poka (ordinare planteti o kaktusi).

Regioni qui recevas min kam 250 mm di pluvo omnayare judikesas kom dezerti. Kelka regioni recevas plu kam 250 mm omnayare, ma anke judikesas kom dezerti pro la intensa vaporigo, exemple Tucson, Arizona.

Duno di areno en la dezerto Kyzyl Kum.

Existas kold arida klimato e varm arida klimato (videz en la mapo dextre). Varma dezerti existas en subtropikala regioni qui recevas intensa sunala lumo dum multa dii dil yaro, pro sikanta aero ed alta preso. Exempli: Sahara, Kalahari, o granda parto di Iran. Kolda dezerti existas en temperema regioni dop alta montari qui recevas preske nula humideso, kompare l'altra latero. Exemple: dezerto di Gobi, Atakama, Kyzyl Kum (inter Uzbekistan e Kazakstan), Taklamakan.

Por diferar “varma dezerti” de “kolda dezerti” tri izotermi povas uzesar: la mezvalora temperaturo yarala egala a 18°C, o mezvalora temperaturi di 0°C o di -3°C dum la maxim kolda monato. Do, irga qua izotermo uzesas, ula dezerto kun mezvalora temperaturi plu granda kam la izotermo judikesas kom “varma dezerto”. Altralatere, dezerti kun mezvalora temperaturi infre la izotermo judikesas kom “kolda dezerto”.

Agrokultivo nur esas posibla en regioni ube existas irigaco, exemple en la dezerto Negev en Israel, od en la valo di Nilo, od ube existas oazisi.

Malgre on konsideras ke Antarktika havas la maxim granda dezerto del mondo, lua klimato ne esas nomizita arida, ma polala.