Aleksis Kivi

De Wikipedio
Irez ad: pilotado, serchez
Aleksis Kivi
Aleksis Kivi.jpg
Profesiono: skriptisto
Lando: Flag of the United States.svg Usa
Naskodato: 10 di oktobro 1834
Nasko-loko: Nurmijärvi, Finlando
Mortodato: 31 di decembro 1872
Morto-loko: Tuusula, Finlando

Aleksis Kivi (1834 til 1872) esas nacionala skriptisto di Finlando.

Ilua orginala familio esis Sueda-linguala Stenvall (‘stono-muro’), ma il igis ol Fina-linguala Kivi (‘stono’). Lua patro esis shuo-igisto Erik Johan Stenvall en Nurmijärvi (en gubernio Häme).

Aleksis Kivi skriptis dramati e poemi. Multa verki esas tradukita. Anke cinemi esas facita de dramati e de la sola romano. Kivi esis unesma Finlando, quo obtenis populareso per sua literala verki, do nun il esis valorita kom patro di la Fina-linguala literaturo. Pluse la prima spektaklo di lua dramato Lea ye la 10ma di mayo 1869 esis la nasko-dio di la Fina-linguala teatro.

Aleksis studiis en Helsinki de 1847 til 1856, unesme en universitato, pose sole. Il ganis nemulta premii dum la yari 1850ma e 1860ma, por exemplo statala premio en literaturo en 1865. Un ek la kandidati por premio esis anke Johan Ludvig Runeberg, quo esis tatempe nacionala skriptisto di Finlando (il skribis en la Sueda).

Pos la studio en universitato Kivi translojis en Siuntio. Il trovis 20 yari plu olda matrono Charlotta Lönqvist, qua komprenis, quala genio Kivi esis. Charlotta donis a Kivi protekteyo e senpagala lojeyo. Regretinde Kivi sufris pro alkoholo dum la yari 1870ma e falis en psikiatriala hospitalo. La tombo di Kivi esas en Tuusula, apud Helsinki.

Nun 10ma di oktobro esas dio di Aleksis Kivi e dio di Finlandana literaturo.

La verki di Aleksis Kivi:

  • dramati
  • Bröllopsdansen (Mariajo-danso, en la Sueda)
  • Kullervo (1864)
  • Nummisuutarit (Shuo-igisti de erikeyo) (1864)
  • Kihlaus (1866) (Fianco)
  • Olviretki Schleusingenissä (1866) (Birala turo en Schleusingen)
  • Karkurit (1867) (Fuganti)
  • Yö ja päivä (1867) (Nokto e dio)
  • Lea (1869)
  • Margareta (1871)
  • poemo
  • Kanervala (1866)
  • romano
  • Seitsemän veljestä (1870) (Sep fratuli)