Bartolomeu Dias

De Wikipedio
Irez ad: pilotado, serchez
Bartolomeu Dias
Bartolomeu Dias, South Africa House (cut).JPG
Profesiono: deskovristo
Lando: Flag of Portugal.svg Portugal
Nasko-dio: c. 1451
Nasko-loko: Algarvo
Morto-dio: 29 di mayo 1500
Morto-loko: Kabo di Bon Espero

Bartolomeu Dias (c. 1450 til 1500) esis Portugalana navigisto qua deskovris l'aceso di la marvoyo ad India.

La voyajo di Bartolomeu Dias.

En 1487, la rejo Portugalana João 2ma sendis Dias por explorar la mar-rivo di Afrika. Il vizitis la estuario di Kongo-fluvio, quan Diogo Cão ja atingis dum sua voyajo en 1484, e segl-iris sude a Namibia. Ibe il veneskis en tempesto e fordriftis de la rivo. Pos ke la tempesto kalmeskis, Dias retro-segl-iris a la direciono di la rivo ma ne povis trovar ol. Pensante ke il forsan navigis cirkum la sudala pinto di Afrika, il segl-iris norde ed abordis en bayo (la nuna ‘Mosselbaai’ en Sud-Afrika). Dum la hemvoyajo Dias vidis kabo quan il nomis ‘Kabo di Tempesto’. Pos la retroveno di Dias en decembro 1488, rejo João 2ma ribaptis la nomo ye ‘Kabo di Bon Espero’ nam il esperis ke la marvoyo ad India balde esus trovata.

En 1500 Dias akompanis Pedro Álvares Cabral dum voyajo ad India. Dum ca voyajo li deskovris Brazilia, pose Dias mortis kande il naufrajis che ‘Kabo di Bona Espero’.