Batalio di Teutoburg

De Wikipedio
Batalio di Teutoburg
Batalio di Teutoburg.
Konflikto: konquesto di Germania dal Romani
Dato: septembro 9
Loko: Bosko proxim la nuna urbo Osnabrück.
Rezulto: Decidigiva vinko Germana.
Militanti
Romana imperio Germana tribui Cheruski, Brukteri e Angrivarii
Komanderi
Publius Quinctilius Varus Arminius
Trupi/equipuri
20.000 til 30.000, segun moderna evalui 20.000 til 30.000, segun moderna evalui
Perdaji
preske kompleta nekonocata
{{{perdaji}}}

La batalio di Teutoburg eventis en septembro del yaro 9, kande federuro di germana tribui komandita da Arminius (Germane: Hermann), chefo de la tribuo Cherusker o Cheruski, embuskis e destruktis tri legioni komandita da Publius Quinctilius Varus, Romana generalo qua esis spozo di Vipsania Marcela Agripa, filiino dil generalo Agripa e nevino dil imperiestro Augustus. Pos la vinkeso, Publius Quinctilius Varus suocidis.

Varus e lua armeo trompesis e duktesis a la bosko da Arminius, nobelo de la tribuo Cherusker qua havis Romana civitaneso. En ta loko li subisis embusko, e la 17ma, 18ma e 19ma legioni Romana destruktesis preske komplete dum Germana atako. La vinkeso Romana haltis lua expanso adeste de Rheno.

Germani blindis e tranchis manui e lingui de la kaptiti Romana. Historiala fonti Romana akuzis Varus pro la dizastro militala. Segun arkeologiala inquesti facita en la regiono til la yaro 2003, desinterigabis 17.000 skeleti en la regiono, di qui cirkume 16 mil esis legionani Romana, segun restaji di vestaro ed armi trovita proxim li Pos recenta explorado kun metal-detektili, on povis deskovrar exakte la batalio-loko. Ne esis la foresto di Teutoburg, ma Kalkriese, apud Osnabrück.

Kande l'informi pri la vinkeso Romana arivis a Roma, imperiestro Augustus timis Germana invado en Gallia e mem en Italia, ed organizis grupo di volontarii por defenso. Augustus nur kalmigis kande savis ke Germani ne trairus Rheno.

Pose, Romana generalo Germanicus efektigis kelka kampanii en la regiono, e vinkis Arminius erste en 14.