Batalio di Tuyuti

De Wikipedio
Batalio di Tuyuti
Batalio di Tuyuti: detalo de pikturo da Cándido López.
Konflikto: Milito di Paraguay
Dato: 24ma di mayo 1866
Loko: Tuyutí, regiono proxim la fluvio Paraná
Rezulto: Decidigiva vinko di la Triopla Interkonsento
Militanti
Paraguay Uruguay
Arjentinia
Brazilia
Komanderi
Francisco Solano López Bartolomé Mitre ed altri
Trupi/equipuri
23.000 til 24.000 32.000 til 35.000
Perdaji
6.000 morti
6 til 7.000 vunditi
966 morti
2.935 til 3.068 vunditi
{{{perdaji}}}
Bataliagro di Tuyuti.

La Batalio di Tuyuti judikesas kom la maxim importanta batalio en la Milito di Paraguay. Ol eventis ye la 24ma di mayo 1866[1], konseque de atako da Paraguayani kontre kampeyo di federiti en sika zono cirkondata da marshi konocata kom Tuyutí, en Paraguayana teritorio[2] Entote plu kam 50.000 soldati - preske 60.000 - partoprenis en la du flanki[3]. La vinko di la federiti augmentis Paraguayana trubli, qui komencabis kun sensucesa atako e la posa destrukto di lua floto dum la batalio di Riachuelo.

La batalio komencis ye 11:30 kloke, kande Francisco Solano López, diktatoro di Paraguay, decidis atakar la trupi di la Triopla Interkonsento en la savano di Tuyuti, proxim fluvio Paraná, ye la 24ma di mayo 1866. La skopo di Solano López esis obtenar decidigiva vinko ed ekpulsar la Triopla Interkonsento de Paraguayana teritorio.

En la bataliagro, l'Arjentiniana trupi stacis addextre, adcentre stacis Uruguayani, e adsinistre stacis Braziliani. Solano López decidis dividar lua armeo en tri grupi e lansar atako kontre la tri armei enemika. Pose, l'armeo komandita dal generalo Vicente Barrios atakus la dopa guardo por destruktar la cetera soldati.

An la centrala flanko, komence Paraguayani vinkis Uruguayani, ma balde subisis ataki de Braziliana batalioni. Paraguayani repulsis Braziliana ed Uruguayana trupi, e preske invadis la kampeyo di la federiti. L'Uruguayani, komandita dal geneneralo e prezidanto Venancio Flores, perdis tri batalioni. Braziliana generalo Manuel Luís Osório rinforcis la linei kun Braziliana soldati por rezistar.

An la dextra flanko, la tereno ne esis favorebla por atako per kavalrio: existis marshi, e Paraguayani perdis multa soldati pro fairo di artilrio. Balde, la cetera soltati Paraguayana movis por rinforcar la central atako.

An la sinistra flanko, Braziliana generalo Emílio Mallet imperis la konstrukto di foseti ante komencir la batalio. Kande Paraguayani trupi atakis, li stacis en pafodisto por la mitraliosi, e ne povis superirar l'obstaklo. Paraguayani lor probis cirkumirar ed atakar de altra punto, ma renkontris trupi komandita da Braziliana generalo Antônio de Sampaio, qui kombatis li feroce.

Generalo Manuel Luís Osório

La trupi komandita dal generalo Vicente Barrios arivis plu tarde an la bataliagro, e ne surprizis la Braziliana rezervoarmeo, komandita dal generalo Manuel Luís Osório, qua havis decidigiva agado en la batalio. Pos kombati qui duris dum 5 hori, Paraguayana trupi retretis.

En la Batalio di Tuyuti, Paraguayana trupi komencis subisar granda perdaji: on kalkulas ke Paraguay perdis 12.000 o plusa soldati, di qui 6.000 mortinta. Tamen, la soldati di Triopla Interkonsento ne esis kapabla pri persequar l'enemiki, pro manko di kavali.

Referi[redaktar | redaktar fonto]

  1. Batalha de Tuiuti - resumo, história - URL vidita ye 17ma di oktobro 2017. Idiomo: Portugalana.
  2. Marcelo, Rodrigo:Guerra do Paraguai: Os caminhos da memória entre a comemoração e o esquecimento  Dato di publikigo: 2009.  URL vidita ye 1ma di novembro2017.  Idiomo: Portugalana. 
  3. https://web.archive.org/web/20101213114126/http://areamilitar.net/HISTbcr.aspx?N=42