Belmopan

De Wikipedio
Salti al navigilo Irez a serchilo
Belmopan
Belmopan Parliament.jpg
Parlamento di Belize, en Belmopan.
Flag of Belmopan.png
Standardo
Lando: Flag of Belize.svg Belize
Informo:
Latitudo: 17°15'05" N
Longitudo: 88°46'01" W
Altitudo: 76 m
Surfaco: 32.78 km²
Habitanti: 20 621 (2016)
Denseso di habitantaro: 500 hab./km²
Horala zono: UTC-6
Urbestro: Khalid Belisle (UDP)
Mapo:
Mapo di Belmopan
Oficala retosituo:
www.belmopancitycouncil.org
Aeral imajo pri Belmopan.

Belmopan esas chef-urbo di Belize. Ol havis 16 451 habitanti en 2010,[1] ed esas la 3ma maxim populoza urbo di la lando.

Historio[redaktar | redaktar fonto]

Komence la chef-urbo di Belize esis Belize City, an la marbordo dil Karibiana Maro, nomizita segun la fluvio Belize. En oktobro 1961, l'uragano Hattie destruktis 75% de la domi e de komercal edifici di Belize City. Pos l'uragano, Belizeana guvernerio decidis konstruktar nova chef-urbo.

Ta nova chef-urbo mustis esar en bona tereno e havar vicina industriala zono. En 1962 kreesis komitato qua decidis konstruktar ol en loko nomizita Belmopan, cirkume 82 km weste de Belize City.

En 1964, lora chefa ministro George Cadle Price duktis delegaciono a London por demandar fundi por la konstruktado di la nova chef-urbo.[2] Quankam nekapabla por quik furnisar suficanta fundi por tala granda projeto, Britaniana guvernerio montris granda intereso, pro la logiko pri konstruktar la nova chef-urbo en regiono protektita de mareala ondi.

La parlamento di Belize, en Belmopan.

La nomo por la nova chef-urbo, Belmopan, originis de du vorti: "Belize" (nomo di la maxim granda fluvio di lando) e "Mopan", nomo di rivero de la regiono qua debushas an la fluvio Belize.[3] L'iniciala budjeto por konstruktar la nova chef-urbo esis 40 milion Belizeana dolari (lor equivalanta a US$ 20 milioni). Nur la duimo esis disponebla, ma la momento ne povis perdesar.[4]

En 1967 la verki komencis, e l'unesma parto dil urbo kompleteskis en 1970, po 25 milion Belizeana dolari. En 2000 eventis l'unesma elekto por lokala konsilantaro. Nur en februaro 2005 Usa decidis tranferar lua ambasadeyo de Belize City a Belmopan. Altra landi quale Brazilia, Venezuela, Mexikia, Kosta Rika e Salvador anke havas ambasadeyi en l'urbo, dum ke Equador, Chili e Dominikana Republiko havas konsuleyi.

Geografio[redaktar | redaktar fonto]

Jacanta an altitudo di 76 metri, proxim de la valo dil fluvio Belize e de la naturala rezerveyo Mountain Pine Ridge, Belmopan distas 80 km de la litoro di Karibia. La temperaturo dil urbo varias de 18°C til 32°C dum la yaro. Lua klimato esas tropikala kun influo di la monsono (Aw segun la klimatala klasifikuro da Köppen). La pluvoza sezono duras de mayo til februaro, kun kurta sika periodo dum la cetera du monati. Tamen, mem dum la sika monati pluvas, mezavalore 45 mm.

Referi[redaktar | redaktar fonto]

  1. Population Data - Census 2010 (Angla). Statistical Institute of Belize. URL vidita ye la 27ma di februaro 2014.
  2. (30ma di julio 2004) Exhibition highlights history of Belmopan (Angla). URL vidita ye la 27ma di decembro 2013.
  3. http://www.mybelizeadventure.com/destinations/cayo/belmopan/
  4. "Belmopan: Perspective on a New Capital", Kevin C. Kearns, Geographical Review, p. 153 (footnote #13), © 1973 American Geographical Society