Bertioga

Bertioga
Aeral imajo pri quartero Riviera de São Lourenço.
Standardo	Blazono
Lando:	Brazilia
Regiono:	Sud-estala
stato:	Sao Paulo
Informo:
Fondita ye:	10ma di agosto 1547
Latitudo:	23°51'14"S
Longitudo:	46°08'20"W
Altitudo:	8 m
Surfaco:	491,55 km²
Habitanti:	64 188 (2022)
Denseso di habitantaro:	130,6 hab./km²
Disto de Sao Paulo:	80 km
Horala zono:	UTC-3
Urbestro:	Marcelo Vilares (União Brasil, 2025-2028)
Mapo:
Oficala retosituo:
www.bertioga.sp.gov.br

Kanono dil fuorto São João.

Bertioga esas urbo en Braziliana stato Sao Paulo. Segun la demografiala kontado di 2022, ol havis 64 188 habitanti, kontre 47 645 habitanti segun la demografiala kontado di 2010. Lua tota surfaco esas 491,55 km².

Bertioga havas 33 kilometri di plaji, ordinare apta por balnado e por praktiko di diversa aquala sporti. La precipua ekonomial agado dil urbo esas turismo.

Geografio

Plajo en Bertioga.

Bertioga jacas inter municipi Mogi das Cruzes, Biritiba-Mirim e Salesópolis norde, São Sebastião este, Guarujá sud-weste e Santos weste. Sude jacas Oceano Atlantiko. Lua reliefo esas plana en lua centro ed en quarteri proxim plaji. La mezavalora altitudo dil municipo esas 2 metri adsur la marala nivelo.

La klimato dil urbo esas subtropikala humida (Cfa, segun la klimatala klasifikuro da Köppen), kun varma someri e vintri kelke kolda, kun mezavalora temperaturo di 17°C. Ne existas sika sezono. La maxim varma monato esas februaro, kande la mezavalora temperaturo esas 30°C.

La mezavalora yarala pluvo-quanto esas 1272 milimetri. La maxim pluvoza sezono esas somero.