Córdoba, Arjentinia
- Por altra loki kun la nomo Córdoba, videz Córdoba (homonimo).
| Córdoba | ||
| ||
| Kelk imaji pri Córdoba. | ||
|
| |
| Standardo | Blazono | |
| Lando: |  Arjentinia
| |
| Regiono: | Córdoba | |
Informo:
| ||
| Fondita ye: | 6ma di julio 1573 | |
| Fondita da: | Jerónimo Luis de Cabrera | |
| Latitudo: | 31°25'S | |
| Longitudo: | 64°11'W | |
| Altitudo: | 390 m | |
| Surfaco: | 576 km² | |
| Habitanti: | 1 505 250 (2022) | |
| Denseso di habitantaro: | 2613,3 hab./km² | |
| Disto de Buenos Aires: | 697[1] km | |
| Horala zono: | UTC-3 | |
| Urbestro: | Daniel Passerini (PJ-HUpC) | |
 • Córdoba | ||
Oficala retosituo:
| ||
| http://www.cordoba.gob.ar | ||
Córdoba esas la chef-urbo di la provinco samnoma, en Arjentinia. Ol anke esas la 2ma maxim populoza urbo di la lando. Segun statistiki di 2022, ol havis 1 505 250 habitanti. Lua tota surfaco esas 576 km².
Jacanta an la rivi dil rivero Suquía, Córdoba fondesis ye la 6ma di julio 1573 da Jerónimo Luis de Cabrera. Ol deklaresis provizora chef-urbo du foyi: en 1806 (kande Arjentinia invadesis da Angli en 1806, e pose en 1955, dum stato-stroko. Nun ol esas importanta centro kulturala, ekonomiala, edukala, financala ed amuzala en la nordo di Arjentinia. Sua universitato fondesis en 1613, ed esas la maxim anciena di Arjentinia, e la 4ma maxim anciena di Amerika, esanta un ek la maxim importanta universitati de la kontinento.
Geografio
[redaktar | redaktar fonto]
La reliefo di Córdoba esas kelke kolinoza, kun tereni qui erodesis da rivero Suquía, qua dividas la teritorio dil urbo en du, trairanta ol denordweste ad este. L'urbo jacas an plana regiono konocata kom pampa. Lua mezavalora altitudo esas 440 metri, e lua maxim alta punto jacas 544 metri super la marala nivelo.
La klimato di Córdoba esas moderema subtropikala humida, kun sika vintro (Cwa segun la klimatala klasifikuro da Köppen). La mezavalora temperaturo en julio (vintro) esas 10,8°C, kontre ke la mezavalora temperaturo en januaro (somero) esas 24,7°C. Venti de este o de weste esas rara e poke intensa; dum la printempo li suflas precipue denorde o denordweste. Dum la dii, la temperaturi varias multe, e dum vintrala nokti, temperaturi povas falar til -5°C.
La mezavalora yarala pluvo-quanto dil urbo esas 815,6 mm, e la maxim pluvoza monato esas decembro, kun mezavalore 143,9 mm. Someri esas pluvoza, ofte kun fulmini, venti e greluno.
Referi
[redaktar | redaktar fonto]- ↑ De Buenos Aires para Córdoba - URL vidita ye 3ma di marto 2024.